متحدہ قومی موومنٹ （ایم کیو ایم） پاکستان کے رہنما فاروق ستار کا کہنا ہے کہ بھتا خوری کی لعنت نے ایک بار پھر ڈھٹائی کے ساتھ سر اٹھایا ہے، کراچی میں شہریوں سے کروڑوں روپے کا بھتہ مانگا جارہا ہے۔
کراچی میں پریس کانفرنس کرتے ہوئے انہوں نے کہا کہ تاجروں کو بیرونی ممالک سے کالز اور بھتہ کی پرچیاں آرہی ہیں، کراچی کے تاجروں اور بلڈرز کا پاکستان کی معیشت میں بڑا کردار ہے۔
فاروق ستار کا کہنا تھا کہ کراچی 60 فیصد محاصل دیتا ہے اور شہریوں کا یہ حال ہے، شہر میں جگہ جگہ پانی کا مسئلہ ہے، سڑکیں ٹوٹی ہوئی ہیں، شہر میں پانی ٹینکر مافیا کے ذریعے جا رہا ہے، ریاست کے اداروں کی توجہ مبذول کرائی ہے۔
28 ویں ترمیم میں نئے انتظامی یونٹس بنانے کے فیصلے ہونے چاہئیں: فاروق ستار
ایم کیو ایم پاکستان کے مرکزی رہنما ڈاکٹر فاروق ستار نے کہا ہے کہ جب تک قانون میں میئر کا کردار واضح نہیں ہو گا، کمیونٹی پولیسنگ نظام مؤثر نہیں ہو سکتا۔
ایم کیو ایم کے رہنما نے کہا کہ سندھ کے وزیراعلیٰ اور چیئرمین پیپلز پارٹی بلاول بھٹو کو پکارا ہے، آباد کے چیئرمین نے درد ناک لہجے میں پریس کانفرنس کی، انہوں نے بھتا خوری کے جرم کا انکشاف کیا ہے۔
ان کا کہنا تھا کہ 10 کے قریب بلڈرز نے شکایت درج کی ہے، 40 سے زائد اور بلڈرز ہیں جنہوں نے بھتے کی شکایات کی ہیں، اب بلڈرز کے دفتر پر فائرنگ بھی شروع ہوگئی ہے، بلڈرز کا مکمل ریکارڈ بھتہ خوروں کے پاس ہے۔
انہوں نے یہ بھی کہا کہ 18ویں ترمیم کے بعد امن و امان صوبائی حکومت کی ذمے داری ہے۔
Post time 2025-12-20 18:24:07
—فائل فوٹو 
