|
|
دھرو راٹھی—فائل فوٹو
بھارتی معروف یوٹیوبر دھرو راٹھی کا کہنا ہے کہ میری ایک یوٹیوب ویڈیو بالی ووڈ کی پروپیگنڈا فلم کو بے نقاب کرنے کے لیے کافی ہے۔
سماجی رابطے کی ویب سائٹ ایکس پر جاری اپنے بیان میں دھرو راٹھی نے کہا کہ صرف ایک یوٹیوب ویڈیو 300 کروڑ روپے کی ’پروپیگنڈا فلم‘ کو بے نقاب کرنے کے لیے کافی ہے۔
دھرو راٹھی نے اپنی پوسٹ میں کہا ہے کہ ویڈیو آج رات کو ریلیز کی جائے گی، جس کے ریلیز ہوتے ہی شدید ردعمل آئے گا اور بہت سے لوگوں کا بریک ڈاؤن ہو جائے گا۔
بھارتی یوٹیوبر نے اپنے پیغام میں کسی فلم کا نام تو نہیں لکھا تاہم سوشل میڈیا صارفین اسے اکشے کھنہ کی فلم دھریندر سمجھ رہے ہیں اور اس حوالے سے تبصروں کا سلسلہ بھی جاری ہے۔
دھرو راٹھی کے پیغام کو چند گھنٹوں میں 26 لاکھ لوگ دیکھ چکے ہیں، اب دیکھنا یہ ہے کہ اپنی ویڈیو میں وہ ایسا کیا تہلکہ مچانے والے ہیں؟ |
|
Post time 2025-12-20 23:36:21