|
|
—تصویر بشکریہ برطانوی میڈیا
برطانوی جج نے 11 سالہ بچی کی جان بچانے والے پاکستانی نوجوان کی تعریف کر دی۔
برطانوی میڈیا کی رپورٹ کے مطابق گزشتہ برس اگست میں عبداللّٰہ تنولی نامی پاکستانی نے بچی کو چاقو سے مسلح حملہ آور سے بچایا تھا۔
جج نے عبداللّٰہ کو عوامی فنڈز سے 1 ہزار پاؤنڈ انعام دینے اور حملہ آور پون پنٹارو کو ہائی سیکیورٹی مینٹل ہاسپٹل میں رکھنے کا حکم دیا ہے۔
واضح رہے کہ لیسٹر اسکوائر میں عبداللّٰہ دکان پر بطور سیکیورٹی گارڈ کام کر رہے تھے کہ بچی کی چیخیں سن کر وہ اُسے حملہ آور سے بچانے میں کامیاب ہوئے۔
عبداللّٰہ نے پولیس کے آنے تک حملہ آور کو دیگر گارڈز کے ساتھ قابو کیے رکھا تھا۔ |
|
Post time 2025-12-21 04:48:14