نائیجیریا کی وزارت خارجہ نے شمال مغربی نائیجیریا میں داعش کے ٹھکانوں پر امریکی فضائی حملوں کی تصدیق کردی ہے۔
جاری کردہ بیان میں نائیجیریا کے حکام نے کہا کہ امریکی فضائی حملوں میں دہشتگرد اہداف کو انتہائی درست انداز میں نشانہ بنایا گیا۔
نائیجیرین وزارت خارجہ کا کہنا ہے کہ دہشتگردی اور انتہاپسندی سے نمٹنے کے لیے امریکا اور عالمی شراکت داروں سے رابطے میں ہیں۔
نائیجیریا: داعش کے مبینہ ٹھکانوں پر امریکا کے حملے
امریکی صدر ٹرمپ نے کہا ہے کہ نائیجیریا میں داعش مسیحیوں کو بے رحمی سے قتل کر رہی تھی اس لیے وہاں محکمہ جنگ نے کئی کامیاب حملے کیے ہیں۔
نائیجیرین وزیر خارجہ نے کہا کہ امریکا کے ساتھ دہشتگردی کے خاتمے کے لیے مشترکہ حکمت عملی پر کام جاری رکھیں گے، یہ ایک مشترکہ آپریشن تھا، جس میں دہشتگردوں کو نشانہ بنایا گیا۔
اس سے قبل امریکی صدر ڈونلڈ ٹرمپ کا کہنا تھا کہ نائیجیریا میں داعش مسیحیوں کو بےرحمی سے قتل کر رہی تھی اس لیے وہاں محکمہ جنگ نے کئی کامیاب حملے کیے ہیں۔
غیرملکی میڈیا کے مطابق امریکی صدر ڈونلڈ ٹرمپ نے کہا ہے کہ امریکا نے شمال مغربی نائیجیریا میں داعش کے دہشتگردوں کے خلاف طاقتور اور مہلک حملہ کیا ہے۔
Post time 2025-12-27 18:36:54
فوٹو: بشکریہ امریکی میڈیا 
