|
|
---فائل فوٹو
بھارتی ریاست اتر پردیش کی علی گڑھ مسلم یونیورسٹی میں ایک اسکول ٹیچر کو گولی مار کر قتل کردیا گیا۔ مقتول کی شناخت دانش راؤ کے نام سے ہوئی ہے۔
بھارتی میڈیا کے مطابق مقتول دانش راؤ گزشتہ 11 برس سے کمپیوٹر سائنس پڑھا رہے تھے۔ دانش راؤ گزشتہ رات تقریباً 8 بج کر 50 منٹ پر اپنے دو ساتھیوں کے ساتھ چہل قدمی کر رہے تھے کہ موٹرسائیکل پر سوار دو افراد نے دانش راؤ پر کم از کم تین گولیاں چلائیں جن میں سے دو گولیاں ان کے سر میں لگیں۔
واقعے کے فوراً بعد انہیں اسپتال لے جایا گیا لیکن وہ زخموں کی تاب نہ لاتے ہوئے دم توڑ گئے، فائرنگ کا واقعہ یونیورسٹی کی مرکزی لائبریری کے قریب پیش آیا۔ |
|
Post time 2025-12-27 19:57:07