|
|
بھارت کے اسٹار بیٹر ویرات کوہلی نے سابق لیجنڈری بیٹر سچن ٹنڈولکر کا ایک اور ورلڈ ریکار اپنے نام کرلیا ہے۔
37 سالہ ویرات کوہلی نے ایک اور سنگ میل عبور کیا، وہ پہلے ہی ایک روزہ کرکٹ میں سب سے زیادہ سنچریاں اسکور کرنے کا ریکارڈ اپنے نام کرچکے ہیں۔
انہوں نے لسٹ اے کرکٹ یعنی ڈومیسٹک اور انٹرنیشنل ون ڈے میں تیز ترین 16 ہزار رنز بنالیے ہیں۔
ویرات کوہلی نے وجے ہزارے ٹرافی میں دہلی کی نمائندگی کی اور آندھرا پردیش کے خلاف میچ میں شاندار سنچری اسکور کی۔
بھارتی اسٹار بیٹر نے آندھرا پردیش کے خلاف 131 رنز کی اننگز کھیلی اور اس دوران لسٹ اے کرکٹ میں تیز ترین 16 ہزار رنز مکمل کرلیے ۔
ویرات کوہلی نے یہ کارنامہ اپنے 330 ویں لسٹ اے اننگز میں سرانجام دیا جبکہ اس سے قبل سچن ٹنڈولکر نے یہی سنگ میل 391 اننگز میں عبور کیا تھا۔
کوہلی کی شاندار سنچری کی بدولت دہلی نے آندھرا پردیش کا 299 رنز کا ہدف با آسانی 6 وکٹوں کے نقصان پر حاصل کرلیا۔ |
|
Post time 2025-12-27 22:33:10