پاکستان کرکٹ ٹیم کے دورہ سری لنکا کے لیے ٹی ٹوئنٹی اسکواڈ کا اعلان جلد متوقع ہے۔
ذرائع کا کہنا ہے کہ ٹی ٹوئنٹی میچز کی سیریز کے لیے اسکواڈ کے لیے مشاورتی عمل جاری ہے، آل راؤنڈر شاداب خان سری لنکا کے خلاف سیریز میں شامل ہوں گے۔
ذرائع کے مطابق اسکواڈ میں فاسٹ بولر حارث رؤف کے نام پر غور کیا جارہا ہے، حارث رؤف جنوبی افریقہ اور ٹرائی سیریز کے لیے اسکواڈ کا حصہ نہیں تھے۔
’مشن مکمل‘، سرفراز احمد نے فیلڈ مارشل سید عاصم منیر کے ہمراہ تصویر شیئر کردی
قومی انڈر 19 کرکٹ ٹیم کے مینٹور اور سابق قومی کپتان سرفراز احمد نے چیف آف ڈیفنس فورسز، آرمی چیف، فیلڈ مارشل سید عاصم منیر کے ہمراہ تصویر شیئر کر دی۔
ذرائع کے مطابق ٹی ٹوئنٹی میں نوجوان کرکٹر معاذ صداقت کو موقع دیے جانے کا امکان ہے، فاسٹ بولر احمد دانیال کی بھی اسکواڈ میں شمولیت کا امکان ہے جبکہ کچھ کرکٹرز بی بی ایل میں شرکت جاری رکھیں گے۔
پاکستان اور سری لنکا کے درمیان ٹی ٹوئنٹی سیریز کے 3 میچز 7، 9 اور 11 جنوری کو کھیلے جائیں گے۔
واضح رہے کہ ٹی ٹوئنٹی ورلڈ کپ کے لیے ابتدائی اسکواڈ جمع کرانے کی ڈیڈ لائن 7 جنوری ہے، ورلڈ کپ کے انعقاد سے ایک ہفتہ قبل آئی سی سی کی اجازت سے ٹیم میں ردو بدل کیا جا سکتا ہے۔
ٹی ٹوئنٹی ورلڈ کپ 7 فروری سے 8 مارچ تک بھارت اور سری لنکا میں کھیلا جائے گا۔
Post time 2025-12-27 23:49:07
فائل فوٹو 
