|
|
بالی ووڈ کی اسٹار اداکارہ کترینہ کیف نے فلم انڈسٹری کے بھائی جان سلمان خان کو ’ٹائیگر‘ اور’سپر ہیومن‘ کہہ دیا۔
سلمان خان کی 60 سالگرہ کے موقع پر 42 سالہ کتربینہ کیف نے سوشل میڈیا پر محبت بھرا خصوصی پیغام دیا۔
حال ہی میں ماں بننے والی اداکارہ نے سلمان خان کےلیے ایسی زندگی کی دعا کی، جس میں ہر دن محبت اور روشنی سے بھرپور ہو۔
سلمان خان اور کترینہ کیف نے میں نے پیار کیوں کیا، پارٹنر، ایک تھا ٹائیگر، ٹائیگر زندہ ہے اور 2019ء میں ریلیز ہونے والی فلم بھارت میں ایک ساتھ کام کیا۔
بالی ووڈ کے بھائی جان نے اپنی سالگرہ کی تقریب پنویل کے فارم ہاؤس پر قریبی دوستوں اور فلمی شخصیات کے ساتھ منائی۔
تقریب میں ہما قریشی، سنگیتا بجلانی، ایم ایس دھونی، میکا سنگھ سمیت کئی اہم شخصیات موجود تھیں۔
سلمان خان کی حالیہ فلم سکندر کامیاب نہیں ہوسکی تھی لیکن وہ مستقبل میں اہم پروجیکٹس میں نظر آئیں گے، ان میں سے ایک بیٹل آف گلوان شامل ہے۔ |
|
Post time 2025-12-28 01:07:03