پاکستانی اداکارہ اور میزبان آمنہ ملک نے بانی پی ٹی آئی سے متعلق اپنے بیان کی وضاحت کی جبکہ انکی سابقہ اہلیہ ریحام خان کو تنقید کا نشانہ بنایا۔
آمنہ ملک کافی عرصے سے شوبز انڈسٹری سے وابستہ ہیں، حال ہی میں ایف ایچ ایم پوڈکاسٹ میں بطور مہمان شریک ہوئیں جہاں انہوں نے کھل کر مختلف موضوعات پر بات کی۔
آمنہ ملک اس وقت اپنا مارننگ شو بھی ہوسٹ کر رہی ہیں جبکہ اداکاری کے میدان میں بھی انہوں نے کامیاب ڈراموں میں اپنا لوہا منوایا ہے۔
پوڈکاسٹ کے دوران آمنہ ملک نے بانی پی ٹی آئی سے متعلق اپنے پرانے بیان کی وضاحت کی۔
انہوں نے کہا کہ اگر عمران خان دوبارہ شادی کریں تو میں انہیں جمائما خان کے ساتھ دیکھنا پسند کروں گی کیونکہ جمائما نہایت مہذب اور باوقار خاتون ہیں۔
آمنہ ملک نے جنات سے اپنی گمشدہ چیزیں کیسے واپس منگوائیں؟
پاکستانی معروف میزبان اور اداکارہ آمنہ ملک نے جنات کو ڈانٹ کر اپنی گمشدہ چیزیں واپس منگوانے کا دلچسپ واقعہ سنادیا۔
آمنہ کے مطابق جمائما خان نے اپنے ماضی کے رشتے سے متعلق ہمیشہ عزت اور وقار کا مظاہرہ کیا ہے، جو قابلِ تعریف ہے۔
جب میزبان نے ریحام خان سے متعلق سوال کیا تو ابتدا میں آمنہ ملک نے تبصرہ کرنے سے گریز کیا، تاہم بعد ازاں انہوں نے واضح انداز میں کہا کہ میرے نزدیک ریحام خان کا رویہ مہذب نہیں رہا۔
آمنہ ملک کا کہنا تھا کہ میں نے ریحام خان کی کتاب نہیں پڑھی، لیکن کسی سابق شوہر کے بارے میں کتاب لکھنا اور اس میں ذاتی معاملات بیان کرنا اچھا عمل نہیں۔
آمنہ ملک نے اس موقع پر ایک نصیحت بھی کی اور کہا کہ اگر کسی رشتے کا اختتام ہو جائے تو بہتر یہی ہے کہ خاموشی اختیار کی جائے اور ایک دوسرے کے خلاف نازیبا یا توہین آمیز باتیں نہ کی جائیں۔ بریک اپ کے بعد وقار اور خاموشی ہی سب سے بہتر راستہ ہے۔
آمنہ ملک کے اس بیان نے سوشل میڈیا پر ایک نئی بحث چھیڑ دی ہے، جہاں صارفین مختلف آرا کا اظہار کر رہے ہیں۔
Post time 2025-12-28 03:45:10
فائل فوٹو 
