معروف اداکارہ نازش جہانگیر ایک بار پھر سوشل میڈیا صارفین کی توجہ کا مرکز بن گئی، ان کے بولڈ لباس کو تنقید کا نشانہ بنایا جارہا ہے۔
حال ہی میں اداکارہ نے اپنے بیرون ملک ٹرپ اور مختلف ایونٹس کی تصاویر شیئر کیں جس میں وہ بولڈ اور بغیر آستینوں والے لباس میں نظر آرہی ہیں۔
نازش جہانگیر جو ڈراموں میں منفی کرداروں اور صاف گوئی کے لیے جانی جاتی ہیں، ماضی میں ایک انٹرویو میں یہ کہہ چکی ہیں کہ وہ کبھی بھی بےحد کھلے یا بغیر آستینوں کے کپڑے نہیں پہنتیں۔
اُن کا کہنا تھا کہ انہوں نے گزشتہ تین برسوں سے اپنی حدود قائم رکھی ہے اور آئندہ بھی ان پر قائم رہیں گی۔
نازش جہانگیر کو بولڈ لباس پہننا مہنگا پڑگیا
پاکستانی اداکارہ نازش جہانگیر بالی میں موج مستیوں کے دوران بولڈ لباس پہننے پر تنقید کی زد میں آگئیں۔
تاہم، حالیہ تصاویر سامنے آنے کے بعد سوشل میڈیا پر اُن کے پرانے بیان کا حوالہ دیتے ہوئے صارفین نے اُنہیں تنقید کا نشانہ بنایا۔
ایک صارف نے لکھا کہ حدود تو تھیں، مگر شہرت کے لیے سب بدل گیا، ایک اور نے کہا کہ یہی وہ لوگ ہیں جو خود اپنی باتوں کی نفی کرتے ہیں، جبکہ ایک صارف نے طنزیہ انداز میں تبصرہ کیا کہ یادداشت کمزور لگتی ہے۔
دوسری جانب، نازش کے کچھ مداحوں نے ان کا دفاع کرتے ہوئے کہا کہ لباس کا انتخاب ذاتی معاملہ ہے اور وقت کے ساتھ کسی کے نظریات یا ترجیحات میں تبدیلی آنا فطری بات ہے۔
Post time 2025-10-10 09:51:46
