اسرائیل کے صومالی لینڈ کو تسلیم کرنے پر اسلامی ممالک کا مذمتی مشترکہ اعلامیہ جاری

slotcosino · Post time 2025-12-28 18:01:04

فائل فوٹو

اسرائیل کے صومالی لینڈ کو تسلیم کرنے پر پاکستان سمیت اسلامی ممالک نے مذمتی مشترکہ اعلامیہ جاری کردیا۔

مذمتی اعلامیے میں اسرائیل کے صومالی لینڈ کو تسلیم کرنے کو بین الاقوامی قانون کی کھلی خلاف ورزی قرار دیا گیا ہے۔

مذمتی مشترکہ اعلامیے میں کہا گیا ہے کہ اسرائیلی اقدام افریقہ کے ہارن اور بحیرہ احمر کے امن کے لیے سنگین خطرہ ہے۔صومالیہ کی وحدت اور علاقائی سالمیت کو نقصان پہنچانے والا کوئی اقدام قبول نہیں۔

جس ملک کو کسی نے تسلیم نہیں کیا، اسرائیل نے کرلیا

اسرائیلی وزیرِاعظم نیتن یاہو نے آج اعلان کیا کہ اسرائیل نے صومالی لینڈ کو ایک آزاد اور خودمختار ریاست کے طور پر سرکاری طور پر تسلیم کر لیا ہے۔

جاری کردہ اعلامیے کے مطابق ریاستوں کے حصوں کو تسلیم کرنا عالمی امن کے لیے خطرناک مثال قائم کرتا ہے، ایسے اقدامات یو این چارٹر اور بین الاقوامی اصولوں کی صریح خلاف ورزی ہیں۔

مشترکہ اعلامیے میں کہا گیا ہے کہ صومالی لینڈ سے متعلق اسرائیلی فیصلہ اس کے توسیع پسندانہ عزائم کا عکاس ہے، فلسطینیوں کی جبری بے دخلی کے کسی بھی ممکنہ ربط کو مکمل مسترد کرتے ہیں۔ فلسطینیوں کو انکی سرزمین سے زبردستی نکالنے کی کوشش قبول نہیں، اسلامی ممالک اور او آئی سی کا صومالیہ کی خود مختاری پر متفقہ اور واضح مؤقف ہے۔

او آئی سی کے وزرائے خارجہ کی جانب سے جاری کیے گے مشترکہ اعلامیے میں پاکستان، فلسطین، قطر، سعودی عرب، صومالیہ اور سوڈان شریک ہیں۔

مشترکہ اعلامیے میں ترکیہ، یمن، اردن، مصر، الجزائر، کوموروس، جبوتی،  گیمبیا، ایران، عراق، کویت، لیبیا اور مالدیپ بھی شریک ہیں۔

		Remember me	Forgot password?
Password			立即注册

اسرائیل کے صومالی لینڈ کو تسلیم کرنے پر اسلامی ممالک کا مذمتی مشترکہ اعلامیہ جاری

Related threads