|
|
وزیراعظم شہباز شریف نے مظفر آباد میں جدید کینسر اسپتال اور میڈیکل کالج کا افتتاح کردیا۔
تقریب سے خطاب میں شہباز شریف نے کہا کہ وہ خود بھی کینسر جیسے موذی مرض کا شکار ہوئے، اندازہ ہے کہ وسائل سے محروم افراد کے لیے کینسر کا علاج کتنا مشکل ہے۔
انہوں نے کہا کہ شاندار ادارے کا افتتاح کرنا اُن کے لیے اعزاز ہے، اسپتال سے عوام کو بہترین طبی سہولتیں میسر آئیں گی۔
وزیراعظم نے مزید کہا کہ لوگوں کو علاج کے لیے دیگر شہروں میں نہیں جانا پڑے گا، کینسر میں مبتلا مریضوں کا علاج خدمت ہے۔
اُن کا کہنا تھا کہ دکھی انسانیت کی خدمت سے بڑھ کر کچھ نہیں، جان لیوا بیماری میں مبتلا مریضوں کا علاج انسانیت کی بڑی خدمت ہے۔
کشمیر انسٹیٹیوٹ آف نیوکلیئر میڈیسن آنکولوجی اور ریڈیالوجی اور میر واعظ مولوی محمد فاروق شہید میڈیکل کالج کا افتتاح کیا گیا ہے۔ |
|
Post time 2025-12-29 03:07:12