وزیراعلیٰ خیبر پختونخوا سہیل آفریدی نے وفاق سے ایکسلریٹڈ امپلی مینٹیشن پروگرام （اے آئی پی） فنڈز کی عدم ادائیگی پر شدید اعتراض کیا ہے۔
صوبائی کابینہ اجلاس سے خطاب میں سہیل آفریدی نے کہا کہ اے آئی پی فنڈز کی عدم ادائیگی کے باعث ضم اضلاع میں ترقیاتی منصوبوں پر پیشرفت متاثر ہو رہی ہے۔
پنجاب حکومت اخلاقی و ذہنی پستی کی شکار، رویہ غیر جمہوری ہے، وزیراعلیٰ سہیل آفریدی
وزیراعلیٰ خیبرپختونخوا سہیل آفریدی نے کہا ہے کہ پنجاب حکومت اخلاقی و ذہنی پستی کی شکار، رویہ غیر جمہوری اورقابل مذمت ہے۔
انہوں نے کہا کہ خیبر پختونخوا کے 4758 ارب روپے وفاق کے ذمے واجب ادا ہیں، وزارت خزانہ نے من گھڑت پروپیگنڈے کے ذریعے فنڈز سے متعلق میڈیا ٹرائل کی کوششیں کیں۔
اُن کا کہنا تھا کہ وفاقی حکومت تمام صوبوں کو دیے گئے فنڈز کی تفصیل بھی سامنےلائے اور ساتھ ہی خیبر پختونخوا اور دیگر صوبوں کے بقایاجات کا موازنہ پیش کیا جائے۔
سہیل آفریدی نے بقایا جات سے متعلق محکموں کو خطوط لکھنے اور تحریری جواب مانگنے کی ہدایت کی اور کہا کہ اگلے اجلاس میں بقایاجات سے متعلق محکمے صوبائی کابینہ کو بریفنگ دیں۔
انہوں نے صوبے میں جاری ترقیاتی منصوبوں پر کام تیز کرنے کا حکم دیا اور کہا کہ ہیلتھ اور ایجوکیشن صوبائی حکومت کی اولین ترجیح ہے۔
Post time 2025-12-30 01:13:15
