کرسمس کے دوران جرمنی کے بینک والٹ سے 3 کروڑ یورو چوری ہوگئے۔
غیر ملکی میڈیا رپورٹس کے مطابق ڈکیتی کی یہ واردات جرمنی کے مغربی شہر گیلزن کرشن میں واقع اسپارکاسے سیونگز بینک میں پیش آئی۔
تفتیش کاروں کے مطابق بینک میں ہونے والی اس پیچیدہ اور منظم ڈکیتی کا جائزہ لے رہے ہیں کہ چور کس طرح بیرونی راستے سے محفوظ والٹ تک پہنچے اور 3 ہزار سے زائد سیف ڈپازٹ باکسز لوٹ لیے۔
پیرس: لوور عجائب گھر سے کون کون سے اور کتنی مالیت کے نادر زیورات چوری ہوئے؟ تفصیلات سامنے آگئیں
فرانس کے دارالحکومت پیرس کے معروف لوور میوزیم میں اتوار کے روز فلمی انداز میں ہونے والی چوری، جس میں 4 چور کھڑکی سے آئے اور صرف 7 منٹ میں خزانہ لوٹا اور 2 موٹر سائیکلوں پر فرار ہوگئے، نے دنیا بھر کو تشویش میں مبتلا اور میوزیم کے حفاظتی نظام پر کئی سوالات اٹھا دیئے ہیں۔
پولیس کے مطابق گزشتہ ہفتے کے آخری میں کرسمس کی چھٹیوں کے دوران پیش آنے والی اس واردات کے شواہد ایک انتہائی منظم کارروائی کی طرف اشارہ کرتے ہیں، جس میں 3 کروڑ یورو مالیت کی نقدی، سونا، زیورات اور دیگر قیمتی اشیاء چوری ہوئیں۔
پولیس کے ایک ترجمان نے اس منظم ڈکیتی کو مشہور فلم اوشنز الیون سے تشبیہ دی اور اسے نہایت پیشہ ورانہ قرار دیتے ہوئے کہا کہ اس کے لیے وسیع منصوبہ بندی، اندرونی معلومات اور مضبوط مجرمانہ عزم درکار تھے۔
پولیس کو اس جرم کا علم پیر کی علی الصبح اس وقت ہوا جب بینک میں فائر الارم بج اٹھا۔
پولیس کے مطابق ملزمان نے کرسمس کے سیزن کا فائدہ اٹھاتے ہوئے، قریبی پارکنگ گیراج کے ذریعے بینک تک رسائی حاصل کی، ایک بڑے ڈرل سے والٹ روم میں سوراخ کیا اور بعد ازاں اسی راستے سے چوری شدہ سامان لے کر فرار ہو گئے۔
Post time 2025-12-31 16:52:00
— تصویر بشکریہ بی بی سی 
