|
|
 —فائل فوٹو
ہولی فیملی اسپتال راولپنڈی کے ڈاکٹرز نے نومولود زندہ بچے کا ڈیتھ سرٹیفکیٹ جاری کر دیا۔
والدین نے بچے کے زندہ ہونے کی تصدیق کی تو بچے کو فوری وینٹی لیٹر پر شفٹ کر دیا گیا۔
والدین نے کہا کہ گزشتہ روز بچے کی پیدائش ہوئی، بچے کی حالت خراب تھی۔
بچے کے ڈیٹھ سرٹیفکیٹ پر ڈاکٹرز نے میت لواحقین کے حوالے کرنے کی تصدیق بھی کی۔
والدین نے جب بچہ وصول کیا تو اس کی سانس چل رہی تھی۔ آکسیجن ماسک لگے بچے کو سانس لیتے ہوئے بھی دیکھا گیا۔
اسپتال انتظامیہ کے مطابق بچہ Lazarus syndrome کا شکار تھا جس میں سانس مدہم ہو جاتی ہے، معاملے کی انکوائری کے لیے کمیٹی قائم کر دی ہے۔
انتظامیہ کا کہنا ہے کہ ڈیتھ سرٹیفکیٹ جاری کرنے میں جو بھی ذمے دار ہوا اس کے خلاف کارروائی ہو گی۔ |
|
Post time 2026-1-1 19:32:14