بگ بیش لیگ کے میچ میں بابراعظم نے سڈنی سکسرز کی طرف سے کھیلتے ہوئے میچ وننگ ففٹی اسکور کی اور اپنی ٹیم کو اہم فتح سے ہم کنار کیا۔
میلبرن میں کھیلے گئے میچ میں سڈنی سکسرز نے میلبرن رینی گیڈز کو 6 وکٹوں سے ہرا دیا۔
سڈنی سکسرز کی جانب سے کھیلتے ہوئے قومی کرکٹر بابرا عظم نے 46 گیندوں پر 58 رنز کی ناقابل شکست اننگز کھیلی۔
بابر اور رضوان نیو ایئر ایک ساتھ منانے کے بعد گراؤنڈ میں ایک دوسرے کے حریف بن گئے
بابر اعظم اور محمد رضوان نے میلبرن میں ایک ساتھ نیو ایئر منایا جہاں دونوں کرکٹرز نے فائر ورکس دیکھا۔
سڈنی سکسرز کے جوئل ڈیوس 15 گیندوں پر 34 رنز بنا کر ناٹ آوٹ رہے۔
اس سے قبل میلبرن رینی گیڈز نے پہلے بیٹنگ کرتے ہوئے 9 وکٹوں کے نقصان پر 164 رنز بنائے تھے۔
میلبرن رینی گیڈز کی جانب سے جوش برؤن نے 43، حسان خان نے 39 اور جیک فریزر نے 38 رنز اسکور کیے جبکہ محمد رضوان صرف 6 رنز بناکر آؤٹ ہوئے۔
Post time 2026-1-1 20:10:37
فوٹو: بشکریہ کرک انفو 
