ٹک ٹاکر ندیم نانی والا نے حالیہ انٹرویو میں یوٹیوبر سعد الرحمٰن المعروف ڈکی بھائی کی گرفتاری کا ذمہ دار سوشل میڈیا پرسنیلٹی ڈاکٹر عفان قیصر کو ٹھہرا دیا۔
حال ہی میں ندیم نانی والا نے ایک پروگرام میں انٹرویو دیتے ہوئے مختلف امور پر اپنے خیالات کا اظہار کیا۔
ایک سوال کا جواب دیتے ہوئے انہوں نے انکشاف کیا کہ این سی سی آئی اے کے حکام نے ڈاکٹر عفان قیصر کے ذریعے مجھے ایک ڈیل بھیجی۔ وہ ایک نہایت خطرناک شخص ہے جس نے وہ لنکس فراہم کیے جن کی بنیاد پر ڈکی بھائی کی گرفتاری عمل میں آئی۔
رجب بٹ نے اپنی ہوش رُبا کمائی سے پردہ اُٹھا دیا
قانونی تنازعات کا نشانہ بننے والے پاکستانی ٹک ٹاکر راجاب بٹ نے حالیہ انٹرویو میں اپنی ہوش رُبا کمائی سے پردہ اُٹھا دیا۔
ان کا کہنا ہے کہ ڈاکٹر عفان قیصر نےایڈیشنل ڈائریکٹر این سی سی آئی اے چوہدری سرفراز کو ڈکی بھائی کی دولت کی تفصیلات دیں اور کہا کہ چوہدری صاحب، اصل امیر آدمی ڈکی ہے، اس سے اپنا حصہ لیں۔ اسی نے سسٹرولوجی اور مجھے بھی ڈیل بھجوائی۔
ٹک ٹاکر کے مطابق ہمارے پاس اس کے خلاف تمام ثبوت موجود ہیں، جو ہم مناسب وقت پر سامنے لائیں گے۔ وہ ایک منافق شخص ہے جو حالات کو اپنے فائدے کے لیے استعمال کرتا ہے اور انہیں مذہبی رنگ دینے کی کوشش کرتا ہے۔ اس کے ساتھ سختی سے نمٹا جائے گا۔
ندیم نانی والا نے مزید دعویٰ کیا کہ ڈاکٹر عفان قیصر پہلے سے ہی معروف پاکستانی یوٹیوبرز کے خلاف تھے اور ویوز حاصل کرنے کے لیے ان پر تنقید کیا کرتے تھے۔
یہ انکشافات سامنے آنے کے بعد سوشل میڈیا پر ایک بار پھر اس معاملے پر بحث چھیڑ گئی ہے، جبکہ عوام کی نظریں اب آئندہ قانونی پیش رفت پر مرکوز ہیں۔
Post time 2026-1-1 20:12:08
— فائل فوٹو 
