جوئے کی پروموشن کا کیس، ڈکی بھائی سمیت دیگر ملزمان 16 جنوری کو فرد جرم کیلئے طلب

slotcosino · Post time 2026-1-3 20:57:05

—فائل فوٹو

ضلع کچہری لاہور نے یوٹیوبر سعد الرحمان عرف ڈکی بھائی سمیت دیگر ملزمان کو 16 جنوری کو فرد جرم کے لیے طلب کر لیا۔

ڈکی بھائی سمیت دیگر کے خلاف جوئے کی پروموشن کے مقدمے پر سماعت جوڈیشل مجسٹریٹ نعیم وٹو نے کی۔ جس میں ڈکی بھائی، اہلیہ عروب جتوئی سمیت دیگر ملزمان پیش ہوئے۔

دوران سماعت عدالت نے ملزمان کو چالان کی کاپیاں فراہم کر دیں۔ عدالت نے ریمارکس دیے کہ اگر آپ اپنے چینل سے وی لاگنگ کریں گے تو وہ جرم تصور ہوگا۔

سعد الرحمان کے وکیل نے مؤقف اختیار کیا کہ ان کا یوٹیوب چینل اس وقت این سی سی آئی اے کے قبضے میں ہے جبکہ جو ویڈیوز اپ لوڈ ہوئیں وہ ایڈیٹر کے اکاؤنٹ سے کی گئی ہیں۔

گیمبلنگ ایپ اسکینڈل، ڈکی بھائی کی درخواست ضمانت منظور

لاہور ہائی کورٹ نے جوئے کی اپلیکشنز کی پرموشن کے مقدمے میں سوشل میڈیا ایکٹوسٹ یوٹیوبر سعدالرحمٰن المعروف ڈکی بھائی کی درخواست ضمانت منظور کرلی۔

اس پر عدالت نے ریمارکس دیے کہ اس کا مطلب ہے کوئی ایڈیٹر غیرقانونی طور پر چینل تک رسائی حاصل کیے ہوئے ہے۔

عدالت نے مزید کہا کہ یہ معاملہ توہینِ عدالت کے زمرے میں بھی آتا ہے اور ہم نہیں چاہتے کہ اس سمت میں جائیں۔

عدالت نے واضح ہدایت دی کہ اگر اس چینل سے کوئی ویڈیو اپ لوڈ یا وی لاگنگ کرنی ہے تو پیشگی اجازت لینا لازمی ہو گی۔

سعد الرحمان نے کہا کہ گزشتہ سماعت پر بیان حلفی دیا تھا میرے نزدیک وہی اجازت دی تھی، جس پر عدالت نے کہا کہ آپ خود سے کیسے خود کو اجازت دے سکتے ہیں؟ اجازت صرف عدالت دیتی ہے۔ پراسیکیوشن بھی آپ کے وی لاگ سے خوش نہیں ہے۔

سعد الرحمان کے وکیل نے کہا کہ ہمیں نہیں سمجھ آرہی کہ ہم کس چیز کی اجازت لیں، ہم تو اپنے چینل پر وی لاگ کر ہی نہیں رہے۔

واضح رہے کہ این سی سی آئی اے نے ملزمان کے خلاف آن لائن جوئے کی پروموشن کے مقدمے کا چالان پیش کر رکھا ہے۔

		Remember me	Forgot password?
Password			立即注册

جوئے کی پروموشن کا کیس، ڈکی بھائی سمیت دیگر ملزمان 16 جنوری کو فرد جرم کیلئے طلب

Related threads

Viewed forums