کراچی میں پریڈی کے علاقے سے 2 بہنیں اغوا ہوگئیں، درج مقدمے میں اسکول ٹیچر کو نامزد کیا گیا ہے۔
مغوی بہنوں کے والد نے کہا ہے کہ واقعہ 11 اکتوبر کو پیش آیا، جس کا مقدمہ 13 اکتوبر کو درج کرایا گیا۔
والد نے مزید کہا کہ 15 اور 7 سال عمر کی میری دو بیٹیاں استانی کے گھر گئی تھیں، واپس نہ آنے پر معلوم کیا تو استانی نے بتایا انہیں چھٹی دے دی گئی تھی۔
والد نے یہ بھی کہا کہ اسکول کے ایک دوسرے ٹیچر دونوں بچیوں کو مہنگے تحائف دیتے تھے، وہ اسکول وین کے باوجود کبھی دونوں بچیوں کو اپنی گاڑی میں گھر چھوڑتے تھے۔
Post time 2025-10-15 03:24:18
