|
|
ترجمان دفتر خارجہ طاہر حسین اندرابی نے کہا ہے کہ پاکستان وینزویلا کے عوام کی فلاح وبہبود کو انتہائی اہمیت دیتا ہے، بحران کے حل کے لیے اقوام متحدہ کے چارٹر اور بین الاقوامی قانون کی پاس داری ناگزیر ہے۔
ایک بیان میں ترجمان دفتر خارجہ کا کہنا تھا کہ پاکستان وینزویلا میں بدلتی صورتحال پر تشویش کا اظہار کرتا ہے اور تمام فریقین پر تحمل اور کشیدگی میں کمی کی ضرورت پر زور دیتا ہے۔
انہوں نے کہا کہ بحران کے حل کے لیے اقوام متحدہ کے چارٹر اور بین الاقوامی قانون کی پاس داری ناگزیر ہے۔
ترجمان دفتر خارجہ نے کہا کہ پاکستان وینزویلا کی صورت حال پر گہری نظر رکھے ہوئے ہے، وینزویلا میں مقیم پاکستانی شہریوں کی سلامتی اور تحفظ کے لیے اقدامات جاری ہیں۔ |
|
Post time 2026-1-5 06:03:52