وفاقی وزیر داخلہ محسن نقوی نے افغانستان فٹبال ٹیم کے ویزا معاملوں کا نوٹس لے لیا۔
محسن نقوی نے افغانستان فٹبال ٹیم کو فوری ویزا کے اجرا کا حکم دے دیا۔
واضح رہے کہ افغانستان فٹبال ٹیم کو آن آرائیول ویزا دلوانے کے لیے پی ایف ایف نے حکومت سے رابطہ کیا تھا۔
افغانستان فٹبال ٹیم کے پلیئرز کو ویزا آن ارائیول کی خصوصی اجازت کی درخواست کی گئی تھی۔
پاک افغان اے ایف سی ایشین کپ کوالیفائر میچ پر سوالیہ نشان لگ گیا
افغانستان فٹ بال ٹیم کے تمام ارکان کو پاکستان کے ویزے ملنے کا مسئلہ اب تک حل نہ ہو سکا جس کے باعث پاکستان اور افغانستان کے درمیان اے ایف سی ایشین کپ کوالیفائیر کے میچ پر سوالیہ نشان لگ گیا۔
پاکستان فٹبال فیڈریشن نے ایشین فٹبال کنفیڈریشن کی درخواست پر حکومت سے رابطہ کیا تھا۔
پی ایف ایف نے خصوصی اجازت کے لیے وزارت خارجہ اور وزارت داخلہ کو خط لکھے تھے۔
یاد رہے کہ افغانستان فٹبال ٹیم کے بیرون ملک مقیم 19 کھلاڑی دبئی میں موجود ہیں۔
پاکستان اور افغانستان کے درمیان ایشین کپ کوالیفائر کا میچ 9 اکتوبر کو اسلام آباد میں شیڈولڈ ہے۔
Post time 2025-10-10 09:52:43
—فائل فوٹو 
