|
|
 فوٹو: اسکرین گریب۔امریکی میڈیا
امریکی ریاست وسکونسن میں مالک کی غیر موجودگی میں ایک ہرن گھر میں گھس آیا اور دو دن تک گھر کے تہہ خانے میں پھنسا رہا۔
ریسکیو حکام کو کال کرکے اطلاع دی گئی کہ ایک ہرن بظاہر پڑوسی کے گھر کی کھڑکی توڑ کر اندر داخل ہوا اور تہہ خانے میں پھنس گیا۔
حکام کے مطابق اس وقت گھر کے رہائشی شہر سے باہر گئے ہوئے تھے۔
ریسکیو حکام نے موقع پر پہنچ کر اسے جال میں پکڑا اور واپس قدرتی ماحول میں چھوڑ دیا۔ جانور بظاہر شدید زخمی نہیں تھا، تاہم اس نے گھر کے تہہ خانے میں خاصی افراتفری مچا دی تھی۔
اسی نوعیت کا ایک واقعہ چند ہفتے قبل مشیگن کے شہر واکر میں بھی پیش آیا تھا، جہاں پولیس کو ایک گھر کے اندر سے ہرن نکالنے کے لیے بلایا گیا تھا۔ |
|
Post time 2026-1-7 04:52:40