وینزویلا کی قائم مقام صدر ڈیلسی روڈریگز نے ملک میں 7 روزہ سوگ کا اعلان کرتے ہوئے کہا ہے کہ امریکی کارروائی میں ہلاک ہونے والے اہلکاروں کو خراج عقیدت پیش کیا جائے گا۔
اپنے بیان میں وینزویلا کی قائم مقام صدر نے کہا کہ امریکا کی جانب سے صدر مادورو کے خلاف کارروائی میں ہمارے جوانوں اور شہریوں نے اپنی جانیں قربان کیں۔
غیرملکی میڈیا کے مطابق وینزویلا کی حکومت کا کہنا ہے کہ امریکی حملے میں تقریباً 2 درجن سے زائد فوجی اہلکار ہلاک ہوئے ہیں۔
وینزویلا فوجی کارروائی میں بین الاقوامی قوانین کی پاسداری نہیں کی گئی، انتونیو گوتریس
اقوام متحدہ （ یو این ） سیکریٹری جنرل نے سلامتی کونسل اجلاس میں وینزویلا کی صورتحال پر تشویش کا اظہا رکردیا۔
اس سے قبل کیوبا کی حکومت نے بھی کہا تھا کہ وینزویلا میں کام کرنے والے ان کے 32 فوجی اہلکار اور پولیس افسران امریکی حملے میں مارے گئے ہیں۔
دوسری جانب امریکی حکام کا اندازہ ہے وینزویلا میں فوجی کارروائی میں تقریباً 75 افراد ہلاک ہوئے ہیں۔
امریکی اخبار کے مطابق ہلاکتیں کراکس میں صدر مادورو کے کمپاؤنڈ پر شدید فائرنگ اور لڑائی کے دوران ہوئیں۔
خیال رہے کہ وینزویلا پر امریکی حملے کے بعد وینزویلا کے صدر نکولس مادورو اور ان کی اہلیہ کو پکڑ کر طیارے میں نیویارک پہنچایا گیا جہاں انہیں عدالت میں پیش کیا گیا۔
Post time 2026-1-7 17:51:57
فائل فوٹو 
