امریکی وزیرِ خارجہ مارکو روبیو نے ارکانِ کانگرس کو بتایا ہے کہ صدر ٹرمپ گرین لینڈ پر حملہ کرنے کے بجائے اسے خریدنے کا منصوبہ رکھتے ہیں۔
امریکی حکام کے مطابق صدر ٹرمپ نے اپنے معاونین کو اس علاقے کے حصول کے لیے ایک نیا اور تازہ منصوبہ دینے کی ہدایت بھی کی ہے۔
مارکو روبیو نے یہ بات کانگریس کے دونوں ایوانوں کی مسلح سروسز اور خارجہ پالیسی کمیٹیوں کے اراکین کو دی گئی بریفنگ میں کہی۔
ٹرمپ کا گرین لینڈ حاصل کرنے کیلئے ملٹری آپشن پر غور
امریکی صدر ٹرمپ اور ان کی ٹیم کا گرین لینڈ حاصل کرنے کے آپشنز پر غور، وائٹ ہاؤس کے مطابق گرین لینڈ کو حاصل کرنے کے لیے ملٹری آپشن پر بھی غور کیا گیا۔
اگرچہ کانگریس کی یہ بریفنگ بنیادی طور پر وینزویلا پر مرکوز تھی، تاہم امریکی میڈیا کے مطابق ارکانِ کانگرس نے صدر ٹرمپ اور وائٹ ہاؤس چیف آف اسٹاف اسٹیفن ملر کے حالیہ جارحانہ بیانات پر تشویش کا اظہار کیا۔
وزیر خارجہ مارکو روبیو نے یہ تفصیل نہیں بتائی کہ گرین لینڈ کو خریدنے سے اُن کی مراد کیا ہے۔
امریکی صدر ڈونلڈ ٹرمپ اپنی پہلی مدتِ صدارت سے ہی گرین لینڈ کے حصول میں دلچسپی رکھتے آئے ہیں۔
دوسری جانب وائٹ ہاؤس کے مطابق گرین لینڈ کو حاصل کرنے کے لیے ملٹری آپشن پر بھی غور کیا گیا ہے۔ ٹرمپ واضح کرچکے ہیں کہ گرین لینڈ کو حاصل کرنا نیشنل سیکیورٹی ترجیح ہے۔
Post time 2026-1-7 20:28:05
--فوٹو: فائل 
