ویب سیریز Jack Ryan کا ایک کلپ سوشل میڈیا پر وائرل ہوگیا۔فوٹو: ایکس
وینزویلا پر امریکی قبضے کی پیشگوئی 6 سال پہلے امریکی ویب سیریز میں کردی گئی تھی۔
حیران کن طور پر ویب سیریز میں 6 سال پہلے بتائی گئی صورتحال ہو بہو درست ثابت ہوئی، ویب سیریز Jack Ryan کا ایک کلپ سوشل میڈیا پر وائرل ہوگیا۔
کلپ میں زور دیا گیا کہ اصل خطرہ امریکا سے دور واقع ممالک نہیں، بلکہ اپنے خطے کے ملک بھی ہیں، اسی کلپ کے منظر میں وینزویلا کے وسیع تیل اور معدنی وسائل، شدید انسانی بحران اور اسے ایک ’’ناکام ریاست‘‘ بھی قرار دیا گیا ہے۔
میں مہذب آدمی اور اپنے ملک کا صدر ہوں، مجھے میرے گھر سے اغوا کرکے امریکا لایا گیا، نکولس مادورو
وینزویلا کے صدر مادورو کی اہلیہ سیلیا فلوریس نے بھی اپنی فردِ جرم کے دوران امریکا کی جانب سے عائد الزامات کو مسترد کرتے ہوئے خود کو بے قصور قرار دیا ہے۔
یہ کلپ ایسے وقت میں دوبارہ زیرِ بحث آیا ہے جب 3 جنوری کو امریکی صدر ڈونلڈ ٹرمپ نے وینزویلا میں فوجی کارروائی اور صدر نکولس مادورو کو اٹھا لیا، جس کے بعد سوشل میڈیا صارفین نے اس منظر کو موجودہ حالات سے جوڑتے ہوئے ’’پیشگوئی‘‘ کہنا شروع کر دیا۔
یاد رہے کہ ماضی میں امریکی کارٹون دی سمپسنز بھی ایسی ہی مبینہ پیشگوئیوں کے باعث زیرِ بحث رہ چکا ہے۔
مادورو کا ڈانس، غیر سنجیدہ رویے نے امریکا کو کارروائی پر مجبور کیا
رپورٹ میں کہا گیا کہ ٹرمپ کی ٹیم نے مادورو کے یہ مظاہرے واشنگٹن کے حوصلے کو آزمانے کے مترادف سمجھا اور اسے کارروائی کی آخری وجہ قرار دیا۔
خیال رہے کہ 3 جنوری کو امریکا نے وینزویلا کے صدر نکولس مادورو اور ان کی اہلیہ کو ایک فوجی کارروائی کے دوران حراست میں لیا تھا، جس کے بعد انہیں نیو یارک کی جیل میں قید رکھا گیا ہے، ان پر منشیات اور دہشتگردی کے الزامات کے تحت مقدمہ چلایا جارہا ہے اور آج انہیں امریکی عدالت میں پیش کردیا گیا۔
امریکی صدر ڈونلڈ ٹرمپ نے اقتدار کی منتقلی تک وینزویلا کے معاملات خود چلانے، تیل کے ذخائر قبضے میں لینے اور امریکی تیل کمپنیوں کو وینزویلا بھیجنے کا اعلان کیا۔
Post time 
ویب سیریز Jack Ryan کا ایک کلپ سوشل میڈیا پر وائرل ہوگیا۔فوٹو: ایکس 
