ترجمان وائٹ ہاؤس کیرولین لیوٹ کا بحر اوقیانوس میں آئل ٹینکروں کو قبضے میں لینے کے سوال پر کہنا ہے کہ امریکا تمام پابندیوں پر پوری طرح عمل کروائے گا، جہاز کے عملے کو اب قانونی کاروائی کا سامنا ہے۔
پریس بریفنگ میں ترجمان کا کہنا تھا کہ گرین لینڈ سے متعلق تمام آپشن ٹیبل پر ہیں، پہلا آپشن ہمیشہ سفارت کاری ہوتا ہے۔
کیرولین لیوٹ کا کہنا ہے کہ ٹرمپ انتظامیہ وینزویلا کے عبوری حکام سے قریبی رابطے میں ہے، وینزویلا عبوری حکمرانوں کے فیصلے امریکا کے بتائے ہوئے ہوں گے۔
امریکا نے وینزویلا سے منسلک روسی پرچم والا آئل ٹینکر سمیت 2 جہاز ضبط کرلیے
امریکی وزیر دفاع پیٹ ہیگسیتھ نے کہا کہ پابندی کے شکار وینیزویلا پر تیل کی دنیا میں کسی بھی جگہ ترسیل پر پابندی ہے۔
انہوں نے کہا کہ امریکا معاہدے پر وینزویلا اور آئل انڈسٹری کے ساتھ کام کر رہا ہے، معاہدے میں پابندی زدہ آئل بھی شامل ہے جو جہازوں پر موجود ہے۔
ترجمان وائٹ ہاؤس نے کہا کہ آئل کمپنیوں کے سربراہان رواں ہفتے وائٹ ہاؤس آئیں گے، ضرورت پڑی تو آئل ورکرز کے تحفظ کے لیے صدر ٹرمپ امریکی فوج استعمال کرنے کا حق رکھتے ہیں۔
انہوں نے یہ بھی کہا کہ وینزویلا میں انتخابی ٹائم ٹیبل پر بات کرنا ابھی قبل از وقت ہے۔
Post time 
فوٹو: اے ایف پی 
