پی اے سی ذیلی کمیٹی کے اجلاس میں پاکستان ٹوبیکو بورڈ کی جانب سے خریدی گئی زمین پر غیرقانونی قبضے کا انکشاف ہوا ہے۔
آڈٹ بریف میں کہا گیا ہے کہ زمین کا قبضہ نہ لینے کی وجہ سے 84 لاکھ روپے کے فنڈز بلاک ہیں، 17 سال پہلے راجن پور میں ٹوبیکو بورڈ نے 50 ایکڑ زمین خریدی۔
ٹوبیکو بورڈ نے راجن پور میں 50 ایکڑ اراضی 2009 میں خریدی آج تک قبضہ نہیں مل سکا، پاکستان ٹوبیکو بورڈ نے ریسرچ کے لیے زمین خریدی اور 16 سال میں ادائیگی ہوئی ہے۔
ریلوے کی 10 ہزار ایکڑ زمین پر غیرقانونی قبضے کا انکشاف
اسلام آباد پاکستان ریلوے کی ملکیتی تقریباً 10 ہزار...
سیکریٹری وزارت غذائی تحفظ کا کہنا ہے کہ 50 ایکڑ کی زمین ہے اور اس پر غیرقانونی قبضہ ہے، زمین کافی سستی مل گئی تھی لیکن قبضہ نہ مل سکا۔
انہوں نے کہا کہ غیر قانونی قبضے کے معاملے کو دیکھ رہے ہیں، غیر قانونی قابضین کے پاس زمین کا قبضہ ہے۔
ممبر کمیٹی سینیٹر بلال مندوخیل نے کہا کہ آپ نے پیمنٹ پہلے کر لی اور قبضہ لیا نہیں۔
ذیلی کمیٹی نے قبضے کے معاملے پر پنجاب حکومت کو خط لکھنے کی ہدایت کر دی۔
Post time 
فائل فوٹو 
