|
|
 امریکی صدر ڈونلڈ ٹرمپ۔فوٹو: فائل
امریکا نے روس سے تیل خریدنے والے ملکوں پر 500 فیصد ٹیرف لگانے کا فیصلہ کرلیا۔ نئے ٹیرف کا بل سینیٹر لنزے گراہم نے پیش کردیا۔
امریکی صدر ڈونلڈ ٹرمپ نے بل کی حمایت کردی۔ بل کی منظوری اگلے ہفتے ہونے کا امکان ہے، جس کے بعد ٹرمپ روس سے تیل خریدنے والے ہر ملک پر 500 فیصد تک ٹیرف لگا سکیں گے۔
بھارت پہلے ہی 50 فیصد امریکی ٹیرف کے باعث شدید دباؤ میں ہے۔ 500 فیصد ٹیرف عائد ہونے کی خبروں سے بھارتی اسٹاک مارکیٹ کریش کر گئی۔
بھارتی اسٹاک مارکیٹ میں سرمایہ کاروں کے 4 دنوں میں 9 لاکھ کروڑ روپے ڈوب چکے ہیں، نئے ٹیرف بل سے برازیل اور چین بھی متاثر ہوں گے۔ |
|
Post time