2025 میں طورخم بارڈر پر آمدورفت کرنے والے مسافروں کی تعداد 10 لاکھ 7 ہزار 530 رہی۔
ایف آئی اے امیگریشن نے 2025 کے دوران طورخم بارڈر پر آمدورفت سے متعلق رپورٹ جاری کردی جس کے مطابق گزشتہ سال طورخم بارڈر پر 5 لاکھ47 ہزار 727 افغان اور دیگر مسافر ویزا و پاسپورٹ پر پاکستان آئے۔
رپورٹ کے مطابق 4 لاکھ 59 ہزار 803 افغان اور دیگر مسافر ویزا و پاسپورٹ پر طورخم بارڈر کے ذریعے پاکستان سے گئے۔
طورخم بارڈر، پاکستان نے 162 افغان مسافروں کو ڈیپورٹ کر دیا
لنڈی کوتل ضلع خیبر طورخم بارڈر پر پاکستان حکام نے...
رپورٹ میں بتایا گیا ہے کہ گزشتہ سال 4 لاکھ 65 ہزار 121 افغان شہری رضاکارانہ طور پر وطن واپس گئے جبکہ 51 ہزار 736 غیرقانونی مقیم افغان شہریوں کو پکڑ کر وطن واپس بھیج دیا گیا۔
رپورٹ کے مطابق قبضے میں لیے گئے 40 ہزار 908 پی او آر اور اے سی سی کارڈز افغان کمشنریٹ کے حوالے کیے گئے۔
رپورٹ میں بتایا گیا ہے کہ قانون نافذ کرنے والے اداروں کو مطلوب 287 افراد کو طورخم بارڈر پر حراست میں لیا گیا۔ 2025 میں طورخم بارڈر پر 277 مسافروں کو آف لوڈ کیا گیا۔
رپورٹ کے مطابق 1595 مسافروں کو جعلی دستاویزات پر طورخم بارڈر پر داخلے سے روک دیا گیا، طورخم بارڈر پر 36 ہزار 70 افغان مریض علاج کیلئے پاک افغان دوستی اسپتال آئے۔
Post time 
فائل فوٹو 
