ایران کے وزیر خارجہ عباس عراقچی نے کہا ہے کہ حقیقت میں اسرائیل اور امریکا خوابوں کی دنیا میں رہ رہے ہیں۔
غیر ملکی خبر رساں ادارے کے مطابق عباس عراقچی نے کہا کہ وہ خواب دیکھ رہے ہیں کہ جلاؤ گھیراؤ کرنے والے آگ سے محفوظ رہیں گے۔
انہوں نے کہا کہ سابق سی آئی اے ڈائریکٹر مائیک پومپیو کا شرمناک بیان امریکی اور اسرائیلی عزائم ظاہر کرتا ہے۔
ایران کی حکومت مشکل میں ہے، فوجی مداخلت ان کی آخری اُمید ہے: مائیک پومپیو
ایران کی سڑکوں احتجاج کرنے والے ایرانی عوام اور ان کے ساتھ چلنے والے موساد ایجنٹس کو نیا سال مبارک ہو: مائیک پومپیو
واضح رہے کہ امریکا کے سابق سیکریٹری آف اسٹیٹ اور سی آئی اے کے سابق ڈائریکٹر مائیک پومپیو کا کہنا تھا کہ ایران کی حکومت مشکل میں ہے، فوجی مداخلت ان کی آخری اُمید ہے۔
غیر ملکی خبر رساں ادارے کے مطابق انہوں نے کہا تھا کہ ایران کے مختلف شہروں میں احتجاج ہو رہے ہیں، ایرانی حکومت کے 47 برس اور ٹرمپ امریکا کے 47ویں صدر، کیا یہ اتفاق نہیں؟
Post time 2026-1-11 18:03:56
—فائل فوٹو 
