لاہور ہائی کورٹ نے ججز کے خلاف غیر مناسب پوسٹیں لگانے والوں کی لسٹ بنانے کا حکم دے دیا۔
لاہور ہائی کورٹ کے جسٹس علی ضیا باجوہ نے ایڈووکیٹ پرویز الہٰی کی درخواست پر کیس کی سماعت کی۔
عدالت نے وفاقی حکومت کو ججز کے خلاف غیر مناسب مواد فوری ہٹانے کا حکم دیتے ہوئے این سی سی آئی اے کے ڈی جی کو ذاتی حیثیت میں طلب کرلیا۔
پراپرٹی اونرشپ ایکٹ معطل: لاہور ہائی کورٹ بار ایسوسی ایشن کا فیصلے کا خیرمقدم
لاہور ہائی کورٹ بار ایسوسی ایشن کی جانب سے پراپرٹی اونرشپ ایکٹ معطل کرنے کے حکم کا خیرمقدم کیا گیا ہے۔
عدالت نے ایڈووکیٹ جنرل پنجاب کو این سی سی آئی اے کی معاونت کی ہدایت کی ہے۔
عدالت میں ایڈیشنل ڈائریکٹر این سی سی آئی اے نے کہا کہ ان کے علم میں آج یہ معاملہ آیا ہے۔
عدالت نے ریمارکس دیے کہ کیا آپ نے آنکھیں بند کی ہوئی ہیں؟ ججز کے خلاف مہم کے پیچھے کون ہے؟ یہ پتا لگوائیں؟
جج نے ریمارکس دیے کہ عدلیہ کے ادارے کو ٹارگٹ کرنا سائبر دہشت گردی ہے، اب کوئی پوسٹ نظر آئی تو ڈی جی این سی سی آئی اے ذمے دار ہوں گے، معاملے کو ایسے نہیں چھوڑا جاسکتا۔
Post time 
فائل فوٹو 
