ایرانی اعلیٰ قومی سلامتی کونسل کے سربراہ علی لاریجانی نے کہا ہے کہ ہم ٹرمپ اور نیتن یاہو کو ایرانی عوام کا مرکزی قاتل نامزد کرتے ہیں۔
امریکی صدر ڈونلڈ ٹرمپ کی دھمکیوں پر جواب میں علی لاریجانی نے کہا کہ ڈونلڈ ٹرمپ اور نیتن یاہو ایران میں شہریوں کے قتل میں ملوث ہیں۔
قبل ازیں امریکی صدر ڈونلڈ ٹرمپ کا کہنا تھا کہ ایران کے شہری اپنا احتجاج جاری رکھیں اور قاتلوں کو پہچانیں۔
ایرانی محب وطن احتجاج جاری رکھیں، اپنے اداروں کا کنٹرول سنبھالیں، ٹرمپ
امریکی صدر ڈونلڈ ٹرمپ نے کہا ہے کہ ایرانی محب وطن احتجاج جاری رکھیں، اپنے اداروں کا کنٹرول سنبھالیں۔
ڈونلڈ ٹرمپ نے کہا کہ مظاہرین کے خلاف وحشیانہ کریک ڈاؤن کے باعث ایرانی حکام کے ساتھ تمام ملاقاتیں منسوخ کر دی ہیں۔
دوسری جانب روس نے کہا کہ ایران میں مصنوعی طور پر بھڑکائے گئے احتجاج اب ماند پڑ رہے ہیں، ایسے میں ایران پر امریکی حملے کی دھمکیاں قطعی طور پر ناقابلِ قبول ہیں
روسی وزارت خارجہ کا کہنا تھا کہ امریکا ایران میں بےامنی کو بہانہ بنا کر دوبارہ حملے نہ کرے۔ ایسا اقدام عالمی سلامتی کے لیے خطرہ ہوگا۔
روس نے کہا کہ ایران کے غیر ملکی شراکت داروں کو تجارتی محصولات بڑھا کر بلیک میل کرنے کی کوششوں کو مسترد کرتے ہیں۔
Post time 2026-1-14 18:13:59
فائل فوٹو 
