معروف پاکستانی ماڈل اور ٹی وی اداکارہ حنا آفریدی نے اپنی مہندی کی تقریب کا شاندار فوٹو شوٹ شیئر کردیا، جس میں انہوں نے اور ان کے ہونے والے شوہر تیمور اکبر نے دلکش انداز میں پوز دیے۔
حنا آفریدی نے مختصر عرصے میں اپنی اداکاری اور ماڈلنگ کے ذریعے نمایاں مقام حاصل کیا ہے، انہوں نے کئی معروف ڈراموں میں کام کیا، اس وقت وہ اپنے حالیہ ڈرامے میں اپنی شاندار اداکاری کے لیے سراہائی جا رہی ہیں۔
گزشتہ ماہ حنا آفریدی نے انسٹاگرام پر خوبصورت پوسٹ کے ذریعے اپنی منگنی تیمور اکبر کے ساتھ ہونے کا اعلان کیا تھا اور اب ان کی شادی کی تقریبات باضابطہ طور پر شروع ہوگئی ہیں۔
حنا آفریدی اور تیمور اکبر نے منگنی کرلی، شادی کی تاریخ بھی بتادی
ویڈیو کے ساتھ کیپشن میں لکھا تھا کہ بسم اللہ کی جائے
مہندی کی تقریب کے موقع پر حنا آفریدی نے ملٹی کلر پیسٹل فائن نیٹ لہنگا پہنا جس میں نیلے، گلابی اور لائلیک رنگ کے شیڈز کے ساتھ گولڈ تھریڈ ورک، پھولوں کی کشیدہ کاری اور بھاری گوتا کناری بارڈر شامل تھا، انہوں نے اپنا لک مکمل کرنے کے لیے گرین ماتھا پٹی اور ہلکی بالیاں بھی پہنیں۔
دوسری جانب تیمور اکبر نے ڈارک گرین شیروانی کے ساتھ شال پہن کر مہندی کے لیے اپنے دلکش انداز کو مکمل کیا۔
حنا آفریدی کی پہلی ڈھولکی کی رنگا رنگ تصاویر اور ویڈیوز چھا گئیں
تقریب میں ان کے قریبی خاندان کے افراد اور دوستوں نے شرکت کی۔
حنا آفریدی نے انسٹاگرام پر تصاویر شیئر کرتے ہوئے کیپشن لکھا کہ تیمور کے نام کی مہندی لگا دی۔
مداحوں نے جوش و خروش کے ساتھ پوسٹ پر ردعمل ظاہر کیا اور تصاویر کو چند ہی وقت میں لاکھوں لوگوں نے لائیک کیا، معروف اداکار سمیع خان، ایمن خان اور دیگر شخصیات نے دونوں کے لیے نیک تمناؤں کا اظہار کیا۔
Post time 2026-1-15 17:39:07
تصاویر:سوشل میڈیا 
