|
|
سوئٹزرلینڈ نے امریکا اور ایران کے درمیان ثالثی کی پیشکش کر دی ہے۔
سوئس وزارت خارجہ کے مطابق وزارت خارجہ کے محکمہ بین الاقوامی سلامتی کے سربراہ Gabriel Lchinger نے ایرانی اعلیٰ قومی سلامتی کونسل علی لاریجانی سے ٹیلیفون پر گفتگو کی۔
وزارت خارجہ کا کہنا ہے کہ انہوں نے امریکا ایران کے درمیان جاری کشیدگی میں کمی کرانے کے لیے مدد کی پیشکش کی۔
ایرانی پاسداران انقلاب کی بری فوج کے کمانڈر محمد کرمی نے کہا ہے کہ ایران کی مسلح افواج ہائی الرٹ ہیں۔
دارالحکومت تہران سے جاری ایک بیان میں پاسداران انقلاب کے کمانڈر بریگیڈیئر جنرل محمد کرمی کا کہنا ہے کہ ایران کو ایک جامع اور ہائبرڈ جنگ کا سامنا ہے۔
دوسری جانب برطانوی اخبار دی ٹیلیگراف نے ایک پورٹ میں بتای کہ سعودی عرب، قطر اور اومان نے واشنگٹن سے ہنگامی مذاکرات کیے اور ٹرمپ کو فوجی کارروائی موخر کرنے پر یہ کہہ کر آمادہ کیا کہ تہران کو اپنے ’’اچھے عمل‘‘ کا مظاہرہ کرنے کا موقع دینا چاہیے۔
اس سے پہلے ٹرمپ نے ایرانی مظاہرین سے کہا تھا کہ ’’مدد راستے میں ہے‘‘۔ بدھ کو رات گئے ٹرمپ یہ کہہ کر یقینی حملے کے فیصلے سے پیچھے ہٹے کہ ایران میں ہلاکتیں رک رہی ہیں۔ |
|
Post time 2026-1-16 05:18:56