پاکستانی فلم انڈسٹری کی مایہ ناز اداکارہ نِشو بیگم کی ڈاکٹر عمر عادل کے ساتھ ڈانس ویڈیو نے مداحوں کے دل جیت لیے۔
نِشو بیگم اپنی شاندار فلموں، مقبول گانوں اور پُراعتماد شخصیت کے باعث آج بھی شائقین کے دلوں پر راج کر رہی ہیں۔ وہ سوشل میڈیا پر خاصی متحرک رہتی ہیں، جہاں اکثر اپنی ویڈیوز اور سرگرمیوں کی جھلکیاں شیئر کرتی نظر آتی ہیں۔ ان دنوں نِشو بیگم لاہور میں دوستوں کی محفلوں اور مختلف تقریبات سے خوب لطف اندوز ہو رہی ہیں۔
حال ہی میں لاہور میں ہونے والی ایک تقریب کے دوران نِشو بیگم اور ڈاکٹر عمر عادل کو ایک ساتھ دیکھا گیا، جہاں دونوں نے نِشو بیگم کے مشہور پنجابی گانے ’وے سب توں سونہیاں‘ پر ڈانس کیا۔
بچوں کو مسئلہ نہیں، مقدر میں چوتھی شادی ہے تو ضرور کروں گی: نشو بیگم
چوتھی شادی کا عندیہ دینے والی پاکستان شوبز انڈسٹری کی معروف سینئر اداکارہ نشو بیگم نے اپنی شادی سے متعلق زیرِ گردش قیاس آرائیوں پر لب کشائی کر دی۔
اس دلکش رقص نے حاضرین اور سوشل میڈیا صارفین کی بھرپور توجہ حاصل کی جبکہ مداحوں نے نِشو بیگم کے روایتی اور دلکش ڈانس اسٹیپس کو بے حد سراہا۔
اس موقع پر نِشو بیگم نے چاندی کی کڑھائی سے مزین سیاہ مخملی گاؤن زیب تن کیا تھا، یہ ویڈیو سوشل میڈیا پر سامنے آنے کے بعد دیکھتے ہی دیکھتے وائرل ہو گئی۔
سوشل میڈیا پر صارفین دونوں کی کیمسٹری اور باہمی احترام کی تعریف کر رہے ہیں، جبکہ ایک مداح نے انہیں ’زندہ لیجنڈز‘ قرار دیتے ہوئے ان کے لیے نیک خواہشات کا اظہار کیا۔
Post time 2026-1-16 17:01:29
اسکرین گریب 
