عالمی شہرت یافتہ فٹبال اسٹار کرسٹیانو رونالڈو نے ایک بار پھر سب کو پیچھے چھوڑتے ہوئے دنیا کے سب سے زیادہ کمائی کرنے والے ایتھلیٹس کی فہرست میں پہلی پوزیشن حاصل کر لی۔
اسپورٹیکو کی جانب سے جاری کی گئی فہرست کے مطابق پرتگالی سپر اسٹار نے سال 2025 میں اندازاً 260 ملین ڈالر （194 ملین پاؤنڈ） کمائے، جو ان کے دیرینہ حریف لیونل میسی کی آمدن سے تقریباً دو گنا ہے۔
رپورٹ کے مطابق رونالڈو کی آمدن کا بڑا حصہ سعودی پرو لیگ کی ٹیم النصر کے ساتھ کیے گئے 200 ملین ڈالر کے معاہدے سے حاصل ہوا، جبکہ باقی رقم اشتہارات، برانڈ اینڈورسمنٹس اور میدان سے باہر مختلف کاروباری سرگرمیوں سے آئی۔
کرسٹیانو رونالڈو گزشتہ نو برسوں سے مسلسل دنیا کے سب سے زیادہ کمائی کرنے والے کھلاڑیوں میں شامل ہیں اور وہ ہر سال کم از کم 100 ملین ڈالر کماتے رہے ہیں، سال 2025 ان کے لیے مسلسل تیسرا سال ہے جب ان کی سالانہ آمدن 200 ملین ڈالر سے تجاوز کر گئی۔
2026 فٹبال ورلڈکپ میرا آخری ہوگا: کرسٹیانو رونالڈو کا اعلان
40 سالہ اسٹار فٹبالر جنہوں نے کلب اور بین الاقوامی سطح پر 950 سے زائد گولز اسکور کیے۔ انہوں نے کہا کہ میں ایک یا دو سال کے اندر فٹبال سے ریٹائرمنٹ لے لوں گا۔
دوسری جانب لیونل میسی سال 2025 میں دنیا کے تیسرے سب سے زیادہ کمائی کرنے والے ایتھلیٹ رہے، جن کی آمدن 130 ملین ڈالر رہی، جو رونالڈو کی کمائی کا تقریباً نصف ہے۔
ارجنٹائن کے اسٹار فٹبالر نے حال ہی میں انٹر میامی کے ساتھ نیا معاہدہ کیا، جو 2028 تک مؤثر رہے گا۔ انٹر میامی حالیہ ایم ایل ایس کپ کی فاتح ٹیم بھی ہے۔
ادھر کرسٹیانو رونالڈو نے بھی النصر کے ساتھ اپنے معاہدے میں توسیع کرتے ہوئے اسے موسمِ گرما 2027 تک بڑھا دیا ہے۔
Post time 2026-1-16 20:55:50
فائل فوٹو 
