|
|
 تصویر بشکریہ، پی سی بی سوشل میڈیا
انڈڑ 19 ورلڈ کپ میں انگلش ٹیم نے ٹیم پاکستان کو جیت کیلئے 211 رنز کا ہدف دیا ہے۔
زمبابوے کے دارالحکومت ہرارے میں کھیلے جارہے میچ میں انگلش ٹیم پاکستانی بولنگ لائن کے خلاف 46 اعشاریہ 5 اوور میں 210 رنز بناکر پویلین لوٹ گئی۔
انگلینڈ کے فیلکونر نے سب سے زیادہ 66 رنز کی اننگز کھیلی۔
پاکستان کے احمد نے 3، علی رضا، عبدالسبحان اور مومن قمر نے 2، 2 کھلاڑیوں کو آؤٹ کیا ہے۔
لیگ اسپنر احمد حسین نے کہا کہ وکٹ اسپنرز کے لئے سازگار ہے، سادہ سا پلان تھا کہ ڈاٹ بال کرانی ہیں۔
انہوں نے مزید کہا کہ ٹیم میں سارے فیلڈرز اچھے ہیں، آپس میں رن آؤٹ کرنے میں مقابلہ ہوتا ہے۔
احمد حسین نے کہا کہ میوزک بہت پسند ہے، روم میٹ کہتا ہے تو گانا گاتا ہوں۔ |
|
Post time 2026-1-16 22:13:06