|
|
 —فائل فوٹو
افغانستان پر قابض طالبان رجیم کو سفارتی محاذ پر مسلسل ناکامیوں کا سامنا کرنا پڑ رہا ہے۔
آریانہ نیوز اور افغان انٹرنیشنل نے روسی عہدیدار ضمیر کابولوف کے بیان کا حوالہ دیتے ہوئے کہا کہ افغان مسئلہ پر روس کا امریکا سے نہ کوئی رابطہ ہوا، نہ ہی رواں سال کوئی اجلاس ہے۔
روسی عہدیدار ضمیر کابولوف نے کہا کہ روس اور امریکا نے افغانستان کے حوالے سے کوئی براہ راست مذاکرات بھی نہیں کیے۔
دوسری جانب خبر رساں ویب سائٹ مڈل ایسٹ آئی نے اپنی رپورٹ میں کہا کہ ٹرمپ انتظامیہ نے افغان باشندوں کی امریکا میں آبادکاری کے لیے قطر میں قائم کیمپ بند کرنے کا فیصلہ کیا ہے۔
رپورٹ کے مطابق افغانستان سے انخلا کے بعد افغان باشندوں کو عارضی طور اس کیمپ میں رکھا گیا تھا۔ |
|
Post time 2026-1-17 17:04:41