|
|
 فوٹو: انسٹاگرام حنا آفریدی
پاکستانی اداکارہ حنا آفریدی اور اداکار تیمور اکبر شادی کے بندھن میں بندھ گئے، حنا آفریدی نے اپنے شوہر سے شادی میں ہر ماہ خرچے کی مد میں بڑی رقم دینے کا مطالبہ کردیا۔
سوشل میڈیا پر اداکار جوڑے کی تصاویر وائرل ہورہی ہیں، اداکارہ نے اپنے نکاح کے موقع پر سفید رنگ کا لباس زیب تن کیا جس پر بھاری گولڈن جیولری نمایاں رہی۔
16 جنوری کو منعقد ہونے والی یوٹیوبر تیمور اکبر اور اداکارہ حنا آفریدی کے نکاح کی اس تقریب میں قریبی عزیز و اقارب نے شرکت کی۔
اداکارہ کے نکاح کی جہاں تصاویر وائرل ہورہی ہیں وہیں ایک ویڈیو بھی سامنے آئی ہے جس میں حنا آفریدی اپنے شوہر تیمور اکبر سے دلچسپ ڈیمانڈ کر رہی ہیں۔
وائرل ویڈیو میں دیکھا گیا کہ اداکارہ نکاح کے موقع پر اپنے شوہر تیمور سے ماہانہ 5 لاکھ روپے خرچ اور ہر 6 ماہ بعد بزنس کلاس میں سفر کی ڈیمانڈ کررہی ہیں۔
حنا آفریدی نے یہ بھی کہا کہ مہنگے کپڑوں سمیت شاپنگ کا سارا خرچ بھی شوہر کو اٹھانا پڑے گا اور وہ اپنی جیب سے کوئی پیسہ خرچ نہیں کریں گی جس پر تیمور نے رضامندی ظاہر کی۔
سوشل میڈیا پر جوڑے کی ویڈیو وائرل ہوگئی ہے اور صارفین کی جانب سے اس پر دلچسپ تبصروں کا سلسلہ جاری ہے۔ |
|
Post time 2026-1-18 02:10:20