ملائیشیا کے وزیراعظم انور ابراہیم نے افغانستان کے سابق وزیراعظم گلبدین حکمت یار کی اسپتال پہنچ کر عیادت کی۔
سماجی رابطے کی ویب سائٹ ایکس پر انور ابراہیم نے گلبدین حکمت یار سے ملاقات کی تصویر شیئر کرتے ہوئے اپنے پیغام میں کہا کہ ایک پرانے دوست اور افغانستان کے سابق وزیر اعظم گلبدین حکمت یار سے ملاقات کی، جو اس وقت ملائیشیا میں اپنا علاج کروا رہے ہیں۔
انور ابراہیم نے کہا کہ دُعا ہے کہ اللّٰہ تعالیٰ انہیں مسلسل صحت یابی اور تندرستی عطا فرمائے اور تمام طبی امور میں آسانی پیدا کرے۔
بھارت نے ماضی میں افغانستان کی آزادی کی جنگ کی مخالفت کی تھی، گلبدین حکمت یار
سربراہ حزب اسلامی، انجینئر گلبدین حکمت یار کا کہنا ہے کہ افغانستان میں امن کے لیے بھارت کو مثبت کردار ادا کرنا چاہیے، بھارت نے ماضی میں افغانستان کی آزادی کی جنگ کی مخالفت کی تھی۔
خیال رہے کہ حزبِ اسلامی کے رہنما اور سابق وزیراعظم افغانستان گلبدین حکمت یار گزشتہ ماہ علاج کے لیے ملائیشیا پہنچے تھے۔
یہ دورہ گزشتہ سال طالبان کی جانب سے گلبدین حکمت یار کی سرگرمیوں پر لگائی گئی پابندیوں کے بعد ان کا پہلا بین الاقوامی سفر تھا۔
Post time 2026-1-18 03:28:26
فوٹو: ایکس انور ابراہیم 
