|
|
لاہور سمیت پنجاب کے بیشتر میدانی علاقے دھند کی لپیٹ میں ہیں، جس کی وجہ سے متعدد موٹرویز کو ٹریفک کیلئے بند کر دیا گیا ہے۔
ترجمان موٹروے پولیس کے مطابق دھند کے باعث موٹروےایم 2 کو لاہور سے کوٹ مومن تک، موٹروے ایم 3 کو فیض پور سے سمندری تک،موٹروے ایم 4 کو شام کوٹ سے عبدالحکیم تک اور لاہور سیالکوٹ موٹروے ایم 11 کو ٹریفک کے لیے بند کر دیا گیا ہے۔
لاہور کا ایسٹرن بائی پاس بھی دھند کی وجہ سے بند ہے، ترجمان کے مطابق قومی شاہراہ پر بھی لاہور، مانگا منڈی، پھول نگر اور پتوکی میں دھند کا راج ہے۔
ترجمان نے شہریوں سے دھند میں سفر سے گریز کی اپیل کی اور کہا کہ بہترین اور محفوظ سفری اوقات صبح 10 سے شام 6 بجے تک ہیں۔ |
|
Post time 2026-1-18 06:04:38