ترکیہ کے شہر شانلی عرفا سے مزید 14 غیرقانونی افغان پناہ گزینوں کو گرفتار کرلیا گیا۔
افغانستان انٹرنیشنل جریدے کے مطابق غیرقانونی مہاجرین کی نقل و حمل میں ملوث 3 سہولتکاروں کو بھی گرفتار کرکے جیل منتقل کیا گیا ہے۔
افغان جریدے کے مطابق گرفتار افغان پناہ گزین ٹرک میں چھپ کر سفر کر رہے تھے، تمام گرفتار افغان باشندوں کو فوری طور پر ڈیپورٹیشن سینٹر منتقل کیا گیا ہے۔
منشیات اسمگلنگ میں ملوث افغان پناہ گزین جرمنی سے ملک بدر
افغان میڈیا کے مطابق جرائم میں ملوث ایک اور افغان پناہ گزین کو جرمنی سے ملک بدر کردیا گیا، یہ شخص منشیات اسمگلنگ میں ملوث تھا۔
دوسری جانب ترکیہ مائیگریشن ایجنسی کا کہنا ہے کہ 3 جنوری کو دیاربکر سے 32 افغان پناہ گزین اور 10 جنوری کو توکات اوربولو سے 18 پناہ گزینوں کو گرفتار کیا گیا۔
ترکیہ مائیگریشن ایجنسی کے مطابق گزشتہ سال ایک لاکھ 52 ہزار غیرقانونی پناہ گزین گرفتار کیے گئے جن میں 42 ہزار افغان باشندے شامل ہیں۔
Post time 2026-1-19 20:28:39
