|
|
مغربی کنارے میں اسرائیلی آباد کاروں کے فلسطینی گھروں پر ہونے والے حملے میں 4 افراد زخمی ہوئے جبکہ گھروں کو آگ لگا دی گئی۔
اسرائیلی میڈیا رپورٹس کے مطابق شدت پسندوں نے 8 گھروں اور 2 گاڑیوں کو نذرآتش کیا۔
اسرائیلی میڈیا نے یہودی آبادکاروں کے حملے کی ریکارڈ ویڈیوز نشر کر دیں۔
اسرائیلی فوج کے اعداد و شمار کے مطابق سال 2025 میں یہودی قوم پرستانہ جرائم اور آبادکاروں کے تشدد کے 750 سے زائد واقعات ریکارڈ ہوئے۔ اسرائیلی فوج نے یہودی قوم پرست حملوں کو تسلیم کرلیا۔
قبل ازیں سال 2024 میں فلسطینیوں پر یہودی آباد کاروں نے 675 حملے کیے تھے۔
اسرائیلی میڈیا رپورٹ کے مطابق یہودی شدت پسندوں کے خلاف قانونی کارروائی شاذ و نادر ہی ہوتی ہے۔ اسرائیل میں سخت گیر حکومت ہے، فلسطینیوں پر حملوں کو نظر انداز کرتی ہے۔
میڈیا رپورٹس کے مطابق فلسطینیوں پر حملوں کو نتین یاہو اور قومی سلامتی کے مشیر بن گوئیر نظرانداز کرتے ہیں۔
اسرائیلی میڈیا کے اعداد و شمار کے مطابق یہودی آباد کاروں کے حملوں کی تحقیقات میں 73 فیصد کمی آئی ہے۔ |
|
Post time 2026-1-19 21:45:09