|
|
معروف گلوکار راحت فتح علی خان نے اعتراف کیا ہے کہ وہ بیٹی کی رخصتی پر گیت گاتے ہوئے آب دیدہ ہوگئے تھے۔
راحت فتح علی خان نے دنیا بھر میں شوز کیے اور رخصتی کے گیت بھی گائے لیکن اپنی بیٹی ماہین کی رخصتی پر گاتے ہوئے اُن کی آنکھیں نم ہوگئی تھیں۔
پاکستان آئیڈل کے سیٹ پر جیو نیوز سے گفتگو میں معروف گلوکار نے کہا کہ وہ اپنی بیٹی کی شادی کے دنوں میں پاکستان آئیڈل اور بہت سے شوز میں مصروف رہے۔
انہوں نے مزید کہا کہ میری اہلیہ نے بیٹی کی شادی کے تمام انتظامات دیکھے، بیٹی ماہین کی رخصتی پر انہیں اپنے والد فرخ فتح علی خاں اور استاد نصرت فتح علی خان کی بہت یاد آئی۔ |
|