ماہرین غذائیت کی جانب سے سپر فوڈ قرار دیے گئے انڈوں کے بارے میں ہمیشہ سے مختلف آرا پائی جاتی ہیں۔ کبھی انہیں صحت بخش غذا کہا جاتا ہے اور کبھی کولیسٹرول یا وزن بڑھنے کا سبب۔ اسی الجھن کو دور کرنے کے لیے ماہرین نے انڈوں سے متعلق عام سوالات کے واضح اور سادہ جواب دیے ہیں۔
غذائی ماہرین کے مطابق انڈے بہترین ناشتہ ہیں کیونکہ یہ زیادہ دیر تک معدہ بھرا رکھتے ہیں اور غیر ضروری بھوک کو کم کرتے ہیں۔ فیٹی لیور کے مریض بھی اعتدال میں انڈے کھا سکتے ہیں کیونکہ پروٹین جگر کی صحت کے لیے مددگار ثابت ہوتا ہے۔
سُپر فوڈ کلونجی کے صحت پر 5 حیران کُن فوائد
کلونجی، جسے نگيلا سیٹیوا بھی کہا جاتا ہے، صدیوں سے بطور دوا اور مسالہ استعمال کی جا رہی ہے۔ جدید سائنسی تحقیق نے بھی اس بات کی تصدیق کی ہے کہ کلونجی مجموعی صحت کے لیے بے شمار فوائد رکھتی ہے۔
غذائی ماہرین کا بتانا ہے کہ زیادہ تر صحت مند افراد میں انڈے کولیسٹرول نہیں بڑھاتے۔
تحقیق کے مطابق جسم خود کولیسٹرول کو بہتر طریقے سے کنٹرول کرتا ہے، وزن کم کرنے والوں کے لیے بھی انڈے مفید ہیں کیونکہ یہ پیٹ کی چربی کم کرنے اور بغیر بھوک کے کھانے کی خواہشات پر قابو پانے میں مدد دیتے ہیں۔
انڈوں میں تقریباً صفر کاربوہائیڈریٹس ہوتے ہیں اس لیے یہ بلڈ شوگر کو نہیں بڑھاتے اور شوگر یا انسولین کے مسائل رکھنے والوں کے لیے بھی موزوں ہیں۔ انڈے کافی یا گرین ٹی کے ساتھ کھانے سے بھی صحت پر کسی قسم کے نقصان کے شواہد نہیں ملے ہیں۔
غذائی ماہرین کے مطابق عام طور پر انڈے معدے میں گیس یا اپھارہ نہیں کرتے تاہم اگر کسی کو گیس کی شکایت ہو تو مقدار یا انڈے کھانے کا طریقہ بدلنا چاہیے۔
سائنسدانوں نے کم کیلوریز کیساتھ انسولین نہ بڑھانے والی قدرتی شکر تیار کرلی
سائنسدانوں نے ایک نئی قدرتی شکر تیار کرنے کا مؤثر طریقہ دریافت کر لیا ہے جو کم کیلوریز ہونے کے ساتھ ساتھ انسولین کی سطح میں تیزی سے اضافہ نہیں کرتی اور عام چینی جیسا ہی ذائقہ رکھتی ہے۔
ماہرین کی جانب سے کچے انڈے کھانے سے سختی سے منع کیا گیا ہے کیونکہ اس سے سالمونیلا انفیکشن کا خطرہ بڑھ جاتا ہے جبکہ پکے ہوئے انڈوں کا پروٹین زیادہ بہتر طور پر جسم میں جذب ہوتا ہے۔
انڈے کھانے کا بہترین طریقہ
ابلے ہوئے، پوچڈ، اسکریمبل یا آملیٹ؛ سب ہی طریقے محفوظ ہیں۔ عام طور پر روزانہ ایک سے دو مکمل انڈے بالغ افراد کے لیے کافی اور محفوظ سمجھے جاتے ہیں۔
نوٹ: یہ ایک معلوماتی مضمون ہے، اپنی کسی بھی بیماری کی تشخیص اور اس کے علاج کےلیے ڈاکٹر سے رجوع کریں۔
Post time 2026-1-21 15:19:45
