سوشل میڈیا پر ایک نوٹیفکیشن وائرل ہو رہا ہے جس میں یہ دعویٰ کیا جارہا ہے کہ حکومت پنجاب نے 2 خواتین وزراء کے میک اپ کے اخراجات پورے کرنے کے لیے 4 کروڑ کی خصوصی گرانٹ کی منظوری دے دی ہے۔
یہ نوٹیفکیشن جعلی ہے، پنجاب حکومت نے ایسا کوئی نوٹیفکیشن جاری نہیں کیا۔
سوشل میڈیا پر وائرل نوٹیفکیشن کا دعویٰ
نوٹیفکیشن 12 جنوری کو پنجاب حکومت کے سروسز اینڈ جنرل ایڈمنسٹریشن ڈیپارٹمنٹ （ایس اینڈ جی اے ڈی） کے نفاذ اور رابطہ ونگ کی طرف سے جاری کیا گیا ہے۔
جس میں کہا گیا کہ سینئر وزیر پنجاب مریم اورنگزیب اور وزیر اطلاعات عظمیٰ بخاری کے ذاتی میک اپ اور پریزنٹیشن کے اخراجات کے لیے 4 کروڑ روپے مختص کیے گئے ہیں۔
نوٹیفکیشن پر سروسز اینڈ جنرل ایڈمنسٹریشن ڈیپارٹمنٹ （ایس اینڈ جی اے ڈی） کے نفاذ اور رابطہ ونگ کے کابینہ I کے سیکشن آفیسر کے دستخط نظر آتے ہیں۔ فوٹو — سوشل میڈیا
اصل حقیقت کیا ہے؟
حکام اور آزادانہ تجزیہ اس بات کی تصدیق کرتے ہیں کہ سوشل میڈیا پر گردش کرنے والا نوٹیفکیشن پنجاب حکومت نے کبھی جاری نہیں کیا۔
کیبنٹ I کے سیکشن آفیسر احمد اقبال نے ’جیو فیکٹ چیک‘ کو بتایا کہ یہ نوٹیفکیشن جعلی ہے۔
اُنہوں نے بتایا کہ اس نوٹیفکیشن پر جو دستخط نظر آ رہے ہیں وہ میرے نہیں ہیں، اور کابینہ I وزراء سے متعلق ایسی مالی گرانٹس کو منظور کرنے کا مجاز نہیں ہے۔
احمد اقبال نے بتایا کہ مالی گرانٹس کی منظوری کے لیے ایک رسمی طریقہ کار ہے جس کے مطابق کابینہ I نہیں بلکہ کابینہ II ایسی گرانٹس پر دستخط کرتی ہے۔
اُنہوں نے مزید بتایا کہ سوشل میڈیا پر وائرل نوٹیفکیشن میں اور بھی بہت سی غلطیاں موجود ہیں جیسے کہ نوٹیفکیشن پر اس کا نمبر درج نہیں ہے اور اس میں سروسز اینڈ جنرل ایڈمنسٹریشن ڈیپارٹمنٹ （ایس اینڈ جی اے ڈی） میں استعمال ہونے والی فارمیٹنگ کو بھی فالو نہیں کیا گیا۔
پنجاب کی وزیر اطلاعات عظمیٰ بخاری نے خود بھی اپنے ایکس اکاؤنٹ پر اپنی پوسٹ میں سوشل میڈیا پر گردش کرتے اس نوٹیفکیشن کو جعلی قرار دیا ہے۔ فوٹو — ایکس
Post time 2026-1-22 16:40:12
فوٹو — ایکس