غزہ کیلئے ٹرمپ کا ’بورڈ آف پیس‘ میں پاکستان، سعودی عرب اور قطر سمیت 9 ممالک شامل

slotcosino · Post time 2026-1-22 18:37:27

---فائل فوٹو

غزہ میں جنگ بندی، تعمیرِ نو اور مستقل امن کے لیے امریکی صدر ڈونلڈ ٹرمپ کی جانب سے بنائے گئے ’بورڈ آف پیس‘ میں مشرقِ وسطیٰ اور ایشیا کے 9 ممالک شامل ہو گئے ہیں۔

بین الاقوامی میڈیا کی ایک رپورٹ کے مطابق پاکستان، مصر، اردن، متحدہ عرب امارات（یو اے ای）، انڈونیشیا، ترکیہ، سعودی عرب اور قطر کے وزرائے خارجہ نے اس بورڈ میں شمولیت کا اعلان کیا جبکہ کویت نے بھی بعد ازاں اس میں شامل ہونے کی تصدیق کی ہے۔

’بورڈ آف پیس‘ میں شامل ہونے والے ممالک نے اپنے مشترکہ بیان میں کہا کہ یہ بورڈ غزہ میں مستقل جنگ بندی کو مضبوط بنانے، تعمیرِ نو میں مدد دینے اور فلسطینیوں کے حقِ خودارادیت اور ریاست کے قیام پر مبنی منصفانہ اور دیرپا امن کے لیے کام کرے گا۔

ٹرمپ کے امن بورڈ منصوبے پر اقوامِ متحدہ نے کیا ردعمل دیا؟

امریکی صدر ڈونلڈ ٹرمپ نے ایک ’امن بورڈ‘ کی بنیاد رکھی ہے جس کا مقصد غزہ تنازع کو حل کرنا ہے، اس بورڈ کی تشکیل غزہ میں اسرائیل اور حماس کے درمیان جنگ بندی معاہدے کے دوسرے مرحلے کا حصہ ہے۔

یہ بورڈ ٹرمپ کے 20 نکاتی منصوبے کا حصہ ہے جس کا مقصد غزہ کی جنگ کا خاتمہ بتایا جا رہا ہے۔ بورڈ میں ٹرمپ کے قریبی مشیر اسٹیو وٹکوف، جیرڈ کشنر اور سابق برطانوی وزیراعظم ٹونی بلیئر بھی شامل ہیں۔

بین الاقوامی میڈیا کی رپورٹس کے مطابق بورڈ آف پیس ایک فلسطینی ٹیکنوکریٹ کمیٹی کی نگرانی کرے گا جو غزہ کے روزمرہ امور سنبھالے گی تاہم غزہ کے شہریوں اور مبصرین نے امریکی قیادت اور اسرائیل کے حامی ارکان کی شمولیت پر تحفظات کا اظہار کیا ہے۔

دوسری جانب اسرائیلی وزیرِاعظم بنیامین نیتن یاہو کے دفتر نے بھی بورڈ میں شرکت کی تصدیق کی جبکہ اسرائیلی وزیراعظم کو غزہ میں مبینہ جنگی جرائم پر عالمی فوجداری عدالت کے وارنٹ کا سامنا ہیں۔

غزہ بورڈ کی تشکیل مسترد کرتے ہیں: اسرائیل

اسرائیلی وزیراعظم آفس کی جانب سے کہا گیا ہے کہ غزہ کے لیے بورڈ کی تشکیل کے لیے رابطہ نہیں کیا گیا اور غزہ بورڈ کی تشکیل مسترد کرتے ہیں۔

غزہ کے شہریوں نے نیتن یاہو کی شمولیت کو مسترد کرتے ہوئے انہیں جنگ کا ذمہ دار قرار دیا ہے۔

فلسطینی وزارتِ صحت کے مطابق اکتوبر میں امریکی ثالثی میں ہونے والی جنگ بندی کے بعد سے اب تک اسرائیلی حملوں میں 466 فلسطینی جاں بحق ہو چکے ہیں۔

		Remember me	Forgot password?
Password			立即注册

غزہ کیلئے ٹرمپ کا ’بورڈ آف پیس‘ میں پاکستان، سعودی عرب اور قطر سمیت 9 ممالک شامل

Related threads

Viewed forums