صوبائی وزیر ناصر شاہ کا کہنا ہے کہ کیا اسلام آباد سے کراچی کے حالات بدل جائیں گے، کراچی کے لیے سب آکر مگرمچھ کے آنسو بہاتے ہیں۔
جیو نیوز کے پروگرام ’آج شاہزیب خانزادہ کے ساتھ‘ میں بات کرتے ہوئے ناصر شاہ نے کہا کہ پیپلز پارٹی نے ہمیشہ کھلے دل سے سیاست کی ہے، ایم کیو ایم والوں پر بات کرنا فضول ہے، جب زرداری نائن زیرو گئے تو اس وقت ہمیں ایم کیو ایم کی ووٹ کے لیے کوئی ضرورت نہیں تھی۔
ایم کیو ایم کے پاس اس وقت وہ طاقت نہیں کہ پورے نظام سے ٹکرا جائے، مصطفیٰ کمال
مصطفیٰ کمال نے کہا کہ پنجاب کا ہر وزیر اعلیٰ لاہور کو اون کرتا ہے سندھ کا وزیر اعلیٰ کراچی کو اون نہیں کرتا، ہمیں پیپلزپارٹی سے کوئی امید نہیں رہی، کیا سندھ کے اس نظام میں رشوت اور کرپشن نہیں چل رہی؟
صوبائی وزیر ناصرشاہ نے کہا کہ ہمارے خلاف باتیں کرنے والوں کے قول و فعل سب کے سامنے ہے، پیپلز پارٹی نےالذوالفقار کو کبھی اون نہیں کیا۔
ناصر شاہ نے کہا کہ مصطفیٰ کمال کہہ چکے ہیں کہ کراچی کو سب سے زیادہ فنڈز زرداری کے دور میں ملے۔
Post time 2026-1-23 05:01:02
فائل فوٹو ناصر شاہ 
