’اگر سو گئے تو اسرائیلی آبادکار گھر جلادیں گے،‘ فلسطینی گاؤں خوف کے سبب خالی ہونے لگا

slotcosino · Post time 2026-1-23 18:01:04

--فوٹو بشکریہ بین الاقوامی میڈیا

فلسطینی گاؤں ’راس عین العوجہ‘ دریائے اردن کی وادی میں واقع ایک قدیم بدوی چرواہا بستی تھی، اسرائیلی آبادکاروں کے مسلسل تشدد، دھمکیوں اور وسائل کی بندش کے باعث تقریباً خالی ہو چکی ہے۔

بین الاقوامی میڈیا کی ایک رپورٹ کے مطابق سال 2025ء کے آغاز سے اب تک گاؤں کے تقریباً 650 میں سے 450 فلسطینی باشندے اپنے گھر بار چھوڑنے پر مجبور ہو چکے ہیں۔ باقی ماندہ چند خاندان بھی آئندہ دنوں میں نقل مکانی کی تیاری کر رہے ہیں۔

گاؤں کے مقامی افراد کے مطابق اسرائیلی آبادکاروں نے اِن کی بھیڑ بکریاں چوری یا زہر دے کر مار دی ہیں، چراہگاہوں پر قبضہ کیا ہوا ہے اور واحد قدرتی چشمہ ’راس عین‘ سے فلسطینیوں کو پانی لینے کی اجازت نہیں۔

حماس کو ہتھیار ڈالنے ہوں گے، ورنہ اس کا خاتمہ ہوجائے گا، ڈونلڈ ٹرمپ

ڈونلڈ ٹرمپ نے کہا کہ ہم نے ناممکن اور بڑے کام کیے ہیں، میں نے دس ماہ میں 8 جنگیں بند کروائیں، دو ایٹمی طاقتوں پاکستان اور بھارت کے درمیان جنگ رکوائی، کئی جنگیں رکوائیں جس کے بعد دنیا مزید محفوظ ہوگئی ہے۔

بین الاقوامی میڈیا ’الجزیرہ‘ سے بات کرتے ہوئے 45 سالہ نائف غوانمہ کا کہنا تھا کہ دو سال سے راتوں کو پہرہ دینا پڑ رہا ہے، ’اگر ہم سو جائیں تو اسرائیلی آبادکار ہمارے گھروں کو جلا دیتے ہیں۔‘

مقامی افراد کا بتانا ہے کہ اس علاقے میں اسرائیلی فوج کی مکمل موجودگی کے باوجود آبادکاروں کے خلاف شاذ و نادر ہی کارروائی کی جاتی ہے۔

رپورٹ کے مطابق خوف اور دباؤ کے باعث لوگوں نے گاؤں سے چھوڑتے وقت اپنا فرنیچر خود جلا دیا تاکہ آبادکار استعمال نہ کر سکیں۔ گاؤں میں بھیڑوں کی تعداد 24 ہزار سے کم ہو کر 3 ہزار سے بھی کم رہ گئی ہے۔ بجلی کی سہولت پہلے ہی میسر نہیں تھی جبکہ سولر پینلز بھی بار بار تباہ کیے گئے۔

غزہ کیلئے ٹرمپ کا ’بورڈ آف پیس‘ میں پاکستان، سعودی عرب اور قطر سمیت 9 ممالک شامل

غزہ میں جنگ بندی، تعمیرِ نو اور مستقل امن کے لیے امریکی صدر ڈونلڈ ٹرمپ کی جانب سے بنائے گئے ’بورڈ آف پیس‘ میں مشرقِ وسطیٰ اور ایشیا کے 9 ممالک شامل ہو گئے ہیں۔

دوسری جانب انسانی حقوق کی تنظیموں کے مطابق 2025ء میں مغربی کنارے میں اسرائیلی آبادکاروں کے فلسطینیوں کے خلاف 1,800 سے زائد حملے ریکارڈ کیے گئے جبکہ درجنوں فلسطینی دیہات مکمل یا جزوی طور پر خالی ہو چکے ہیں۔

بین الاقوامی میڈیا رپورٹ کے مطابق فلسطینی گاؤں راس عین العوجہ سے ہونے والی یہ بے دخلی حالیہ دہائیوں میں کسی ایک بدوی برادری کی سب سے بڑی جبری نقل مکانی قرار دی جا رہی ہے۔

رپورٹ میں بتایا گیا ہے کہ خوف اور صدمے کے سائے میں رہنے والے بچے راتوں کو سونے سے ڈرتے ہیں جبکہ بڑوں کا کہنا ہے کہ ’ہم اندر سے ٹوٹ چکے ہیں۔‘

		Remember me	Forgot password?
Password			立即注册

’اگر سو گئے تو اسرائیلی آبادکار گھر جلادیں گے،‘ فلسطینی گاؤں خوف کے سبب خالی ہونے لگا

Related threads

Viewed forums