ایمان اور ہادی کو بظاہر خفیہ رکھی گئی ایف آئی آر کے تحت گرفتار کیا گیا: مصطفیٰ نواز کھوکھر

slotcosino · Post time 2026-1-24 03:46:17

مصطفیٰ نواز کھوکھر—فائل فوٹو

تحریکِ تحفظِ آئینِ پاکستان کے رہنما مصطفیٰ نواز کھوکھر کا کہنا ہے کہ ایمان اور ہادی کو بظاہر ایک ایف آئی آر کے تحت گرفتار کیا گیا ہے۔

سماجی رابطے کی ویب سائٹ ایکس پر جاری کیے گئے بیان میں ان کا کہنا ہے کہ سب سے چونکا دینے والی بات یہ ہے کہ ان کے خلاف ایف آئی آر کو ایک سال قبل درج کیا گیا تھا، ایف آئی آر کو اس عرصے کے دوران خفیہ رکھا گیا۔

رہنما اپوزیشن اتحاد مصطفیٰ نواز کھوکھر نے کہا ہے کہ من گھڑت ایف آئی آر میں مجھ سمیت پاکستان بھر سے وکلاء کو نامزد کیا گیا، یہ تو سراسر مذاق ہے، ایف آئی آرز سیل اور خفیہ رکھنا عدالتی فیصلوں میں غیر قانونی قرار دیا جا چکا ہے۔

انہوں نے کہا کہ واضح طور پر یہ اسلام آباد پولیس کی جانب سے ایک غیر قانونی اقدام ہے، ایک پُرامن احتجاج کے لیے دہشت گردی کے الزامات شامل کرنا مضحکہ خیز ہے۔

مصطفیٰ نواز کھوکھر کا کہنا ہے کہ ہمیں ایک سال بعد یہ معلوم ہوا کہ وہ پُرامن احتجاج پُرتشدد بن گیا تھا، یہ انسدادِ دہشت گردی کے قانون کو مضحکہ خیز اور بے معنی بنا دیتا ہے۔

انہوں نے سوال اٹھایا کہ یہ قانون دہشت گردوں کے خلاف بنایا گیا ہے، نہ کہ وکلاء یا عام شہریوں کے لیے؟ حکومت شائستگی کھو چکی اور تمام ضوابط و اقدار کی کھلم کھلا خلاف ورزی پر تُلی ہے۔

ایمان مزاری و ہادی علی کو جوڈیشل ریمانڈ پر جیل بھیج دیا گیا

اسلام آباد کی انسدادِ دہشت گردی کی عدالت نے ایڈووکیٹ ایمان مزاری اور ان کے شوہر ہادی علی کو لڑائی جھگڑا کرنے کے کیس میں جوڈیشل ریمانڈ پر جیل بھیج دیا۔

مصطفیٰ نواز کھوکھر نے یہ بھی کہا ہے کہ حکومت کو یہ نہیں بھولنا چاہیے کہ وقت بدلتا رہتا ہے، حکومت نہ بھولے کہ اس کے ظالمانہ ہتھکنڈے ایک دن خود اسی کے لیے وبالِ جان بن جائیں گے۔

واضح رہے کہ آج ایڈووکیٹ ایمان مزاری اور ان کے شوہر ہادی علی چٹھہ کو اسلام آباد ہائی کورٹ بار سے ڈسٹرکٹ کورٹ جاتے ہوئے گرفتار کیا گیا۔

بعد آزاں اسلام آباد کی انسدادِ دہشت گردی کی عدالت نے ایمان مزاری اور ہادی علی کو لڑائی جھگڑا کرنے کے کیس میں 14 روز کے لیے جوڈیشل ریمانڈ پر جیل بھیج دیا۔

		Remember me	Forgot password?
Password			立即注册

ایمان اور ہادی کو بظاہر خفیہ رکھی گئی ایف آئی آر کے تحت گرفتار کیا گیا: مصطفیٰ نواز کھوکھر

Related threads